ਮੋਡੈਸਟੋ ‘ਚ ਸਤਿੰਦਰ ਸਰਤਾਜ ਦਾ ਦਾ ਯਾਦਗਾਰੀ ਸ਼ੋਅ

19 ਸਤੰਬਰ ਨੂੰ ਸੈਕਰਾਮੈਂਟੋ, 20 ਸਤੰਬਰ ਨੂੰ ਬੇਕਰਜ਼ਫੀਲਡ, 12 ਸਤੰਬਰ ਨੂੰ
ਵਾਸ਼ਿੰਗਟਨ ਡੀਸੀ ਅਤੇ 13 ਸਤੰਬਰ ਨੂੰ ਨਿਊਜਰਸੀ ‘ਚ ਲਗਣਗੀਆਂ ਸੂਫੀਮਹਿਫ਼ਲਾਂ
ਮੋਡੈਸਟੋ/ਬਿਊਰੋ ਨਿਊਜ਼:
ਫਰੈਂਡਜ਼ ਐਂਟਰਟੇਨਮੈਂਟ ਵਲੋਂ 6 ਸਤੰਬਰ ਐਤਵਾਰ ਨੂੰ ਇੱਥੋਂ ਦੇ ਗੈਲੋ ਸੈਂਟਰ ਵਿਚ ਮਸ਼ਹੂਰ ਗਾਇਕ ਸਤਿੰਦਰ ਸਰਤਾਜ ਦੀ ਸੂਫੀ ਸ਼ਾਮ ਸਜਾਈ ਗਈ। ਮੋਡੈਸਟੋ ਦਾ ਗੈਲੋ ਸੈਂਟਰ ਪਰਿਵਾਰਕ ਮਾਹੌਲ ਵਿਚ ਖਚਾਖਚ ਭਰਿਆ ਹੋਇਆ ਸੀ। ਸਤਿੰਦਰ ਸਰਤਾਜ ਨੇ ਨਵੇਂ ਤੇ ਪੁਰਾਣੇ ਗੀਤਾਂ ਰਾਹੀਂ ਲੋਕਾਂ ਦਾ ਮਨੋਰੰਜਨ ਕੀਤਾ। ਸ਼ੋ
ਅ ਦੀ ਖੂਬਸੂਰਤੀ ਇਹ ਸੀ ਕਿ ਦਾਦੀਆਂ ਆਪਣੇ ਪੋਤਰਿਆਂ ਨਾਲ ਆਈਆਂ ਹੋਈਆਂ ਸਨ। ਸ਼ੋਅ ਵਿਚ ਪੂਰੀ ਅਮਨਸ਼ਾਂਤੀ ਅਤੇ ਪਰਿਵਾਰਕ ਮਾਹੌਲ ਸੀ। ਬਿਨਾਂ ਸਕਿਊਰਿਟੀ ਤੋਂ ਫਰੈਂਡਜ਼ ਐਂਟਰਟੇਨਮੈਂਟ ਦਾ ਸ਼ੋਅ ਪੁਰਅਮਨ ਤਰੀਕੇ ਨਾਲ ਹੋਇਆ। ਇਸ ਦੀ ਸਫ਼ਲਤਾ ਦਾ ਸਿਹਰਾ ਮੋਡੈਸਟੋ ਦੇ ਉਘੇ ਵੀਰ ਅਤੇ ਕਮਿਊਨਿਟੀ ਆਗੂ ਸਨਰਾਇਜ਼ ਟਰੱਕਿੰਗ ਦੇ ਮਾਲਕ ਸੈਮ ਗਿੱਲ, ਬੱਲ ਕੈਰੀਅਰ ਦੇ ਮਾਲਕ ਸੈਮ ਬੱਲ ਅਤੇ ਜੱਸ ਔਲਖ, ਮੋਡੈਸਟੋ ਦੇ ਸਿੱਖ ਆਗੂ ਮਨਮੀਤ ਸਿੰਘ ਗਰੇਵਾਲ ਅਤੇ ਬਹੁਤ ਸਾਰੇ ਸਾਥੀਆਂ ਦੇ ਸਿਰ ਜਾਂਦਾ ਹੈ। ਇਸ ਗਰੁੱਪ ਦਾ ਇਲਾਕੇ ਵਿਚ ਕੰਮ ਸਲਾਹੁਣਯੋਗ ਹੈ। ਇਹਨਾਂ ਨੇ ਆਏ ਹੋਏ ਸਾਰੇ ਸਰੋਤਿਆਂ ਦਾ ਧੰਨਵਾਦ ਕੀਤਾ ਅਤੇ ਆਉਣ ਵਾਲੇ ਸਮੇਂ ਵਿਚ ਹੋਰ ਚੰਗੇ ਪ੍ਰੋਗਰਾਮ ਲਿਆਉਣ ਦਾ ਵਾਅਦਾ ਕੀਤਾ।
ਜੈ ਐਂਟਰਟੇਨਮੈਂਟ ਵਲੋਂ ਲਿਆਂਦਾ ਹੋਇਆ ਇਹ ਗਿਆਰਵਾਂ ਸ਼ੋਅ ਸੀ। ਇਸ ਤੋਂ ਬਾਅਦ ਕਰਮਵਾਰ ਚਾਰ ਸ਼ੋਅ ਜਿਸ ਵਿਚ 19 ਸਤੰਬਰ ਨੂੰ ਸੈਕਰਾਮੈਂਟੋ ਅਤੇ 20 ਸਤੰਬਰ ਨੂੰ ਬੇਕਰਜ਼ਫੀਲਡ ਵਿਖੇ ਹੋਣਾ ਹੈ ਅਤੇ 12 ਸਤੰਬਰ ਨੂੰ ਵਾਸ਼ਿੰਗਟਨ ਡੀਸੀ ਅਤੇ 13 ਸਤੰਬਰ ਨੂੰ ਨਿਊਜਰਸੀ ਵਿਚ ਹੋਣ ਜਾ ਰਿਹਾ ਹੈ।
ਇਹਨਾਂ ਸ਼ੋਆਂ ਦੀ ਕਿਸੇ ਵੀ ਜਾਣਕਾਰੀ ਲਈ ਜੈ ਸਿੰਘ ਨੂੰ 510-677-2777 ‘ਤੇ ਕਾਲ ਕਰ ਸਕਦੇ ਹੋ।