ਸੂਫੀ ਗਾਇਕ ਕਨਵਰ ਗਰੇਵਾਲ ਦੀ ਸੈਕਰਾਮੈਂਟੋ ‘ਚ ‘ਮਸਤਾਨਾ ਯੋਗੀ’ਫੇਰੀ 12 ਸਤੰਬਰ ਨੂੰ

ਸੈਕਰਾਮੈਂਟੋ/ਹੁਸਨ ਲੜੋਆ ਬੰਗਾ:
ਸੂਫੀ ਗਾਇਕ ਦੇ ਚਰਚਿਤ ਤੇ ਨਵੇਂ ਦਿਸਹੱਦਿਆਂ ਤੇ ਪੰਜਾਬੀ ਗਾਇਕੀ ਨੂੰ ਲਿਜਾਣ ਵਾਲਾ ਗਾਇਕ ਕਨਵਰ ਗਰੇਵਾਲ ਦੇ ਅਮਰੀਕਾ ਵਿਚ ਹੋਏ ਸਫ਼ਲ ਸ਼ੋਆਂ ਤੋਂ ਬਾਅਦ ਸੈਕਰਾਮੈਂਟੋ ਵਿਚਲਾ ਸ਼ੋਅ 12 ਸਤੰਬਰ ਸ਼ਨੀਵਾਰ ਨੂੰ ਫਲੌਰਨ ਰੋਡ ਸਥਿਤ ਲੂਥਰ ਬਰਬੈਂਕ ਹਾਈ ਸਕੂਲ ਦੇ ਹਾਲ ਵਿਚ ਹੋਣ ਜਾ ਰਿਹਾ ਹੈ। ਮੁੱਖ ਪ੍ਰਬੰਧਕ ਗੁਰੀ ਕੰਗ, ਤਾਜ ਰੰਧਾਵਾ, ਰਵਿੰਦਰ ਕਾਹਲੋਂ, ਇੰਦਰਜੀਤ ਕਾਲੀਰਾਏ ਅਤੇ ਡਾ. ਹਰਮੇਸ਼ ਕੁਮਾਰ ਨੇ ਇਕ ਮੀਟਿੰਗ ਦੌਰਾਨ ਦੱਸਿਆ ਕਿ ਇਸ ਸ਼ੋਅ ਨੂੰ ਬਿਲਕੁਲ ਪਰਿਵਾਰਕ ਰੱਖਿਆ ਗਿਆ ਹੈ ਤੇ ਸਕਿਊਰਿਟੀ ਦਾ ਖਾਸ ਪ੍ਰਬੰਧ ਕੀਤਾ ਗਿਆ ਹੈ। ਇਹ ਸ਼ੋਅ ਤਾਜ ਰੰਧਾਵਾ ਦੀ ਰੀਅਲ ਅਸਟੇਟ ਕੰਪਨੀ ਰੀਮੈਕਸਗੋਲਡ ਤੇ ਕੇ-ਥਰੀ ਇੰਟਰਨੈਸ਼ਨਲ ਵਲੋਂ ਕੀਤਾ ਜਾ ਰਿਹਾ ਹੈ। ਇਸ ਸ਼ੋਅ ਦਾ ਸਮਾਂ ਸ਼ਾਮੀਂ 6:30 ਵਜੇ ਰੱਖਿਆ ਗਿਆ ਹੈ। ਹੁਣ ਤੱਕ ਤੜਕ ਭੜਕ ਵਾਲੀ ਗਇਕੀ ਨੂੰ ਨਕਾਰ ਕੇ ਸੂਫੀ ਗਾਇਕੀ ਵਾਲੇ ਗਾਇਕਾਂ ਤੇ ਪਰਿਵਾਰਕ ਗਾਉਣ ਵਾਲੇ ਗਾਇਕਾਂ ਨੂੰ ਅਮਰੀਕਾ ਵਿਚ ਦਰਸ਼ਕਾਂ ਦਾ ਕਾਫ਼ੀ ਸਹਿਯੋਗ ਮਿਲਿਆ ਹੈ।