ਸਨੀਵੇਲ/ਬਿਊਰੋ ਨਿਊਜ਼ :
ਇਥੇ ਇੰਡੋ ਅਮੈਰੀਕਨ ਸੁਸਾਇਟੀ ਆਫ ਬੇ ਏਰੀਆ ਵੱਲੋਂ ਭੂਆ ਗੁਰਮੀਤ ਕੌਰ ਛੀਨਾ ਦੀ ਅਗਵਾਈ ਹੇਠ ਰਵਾਇਤੀ ਤੀਆਂ ਦਾ ਮੇਲਾ ਸਨੀਵੇਲ ਹਿੰਦੂ ਟੈਂਪਲ ਦੇ ਕਮਿਊਨਿਟੀ ਸੈਂਟਰ ਵਿਚ ਕਰਵਾਇਆ ਗਿਆ, ਜਿਸ ਵਿਚ ਬੀਬੀਆਂ, ਬੱਚਿਆਂ ਤੇ ਮੁਟਿਆਰਾਂ ਨੇ ਭਰਵੀਂ ਸ਼ਿਰਕਤ ਕੀਤੀ। ਲੰਬੇ ਅਰਸੇ ਤੋਂ ਬੇ ਏਰੀਆ ਵਿਚ ਤੀਆਂ ਦੇ ਮੇਲੇ ਦੀ ਮੋਢੀ ਕਰਕੇ ਜਾਣੀ ਜਾਂਦੀ ਭੂਆ ਛੀਨਾ ਨੇ ਇਸ ਵਾਰ ‘ਸੰਮੀ’ ਲੋਕ ਨਾਚ ਦੀ ਪੇਸ਼ਕਾਰੀ ਕਰਵਾ ਕੇ ਵਾਹ ਵਾਹ ਖੱਟੀ।
ਅਟਾਰਨੀ ਗਿੰਨੀ ਬੇਦੀ ਵੱਲੋਂ ਤਿਆਰ ਇਸ ਲੋਕ ਨਾਚ ਦਾ ਹਾਜ਼ਰੀਨ ਨੇ ਭਰਵਾਂ ਲੁਤਫ਼ ਲਿਆ। ਗਿੰਨੀ ਬੇਦੀ, ਸੋਨੀਆ ਚੇੜਾ ਤੇ ਜੱਸੀ ਬਣਵੈਤ ਦੀ ਅਗਵਾਈ ‘ਚ ਪੇਸ਼ ਗਿੱਧਾ ਆਪਣਾ ਹੀ ਰਸ ਬਿਖੇਰ ਗਿਆ। ਹਾਸ ਰਸ ਰੰਗ, ਸਕਿੱਟਾਂ, ਐਕਸ਼ਨ ਸਾਂਗ ਤੋਂ ਇਲਾਵਾ ਸੁਲਤਾਨ ਅਖ਼ਤਰ ਤੇ ਗੁਰਜੀਤ ਜੀਤੀ ਨੇ ਆਪਣੇ ਗੀਤਾਂ ਨਾਲ ਧਮਾਲ ਪਾਈ। ਭੂਆ ਛੀਨਾ ਨੇ ਟੀਨਾ ਭਨੋਟ ਦਾ ਸਹਿਯੋਗ ਲਈ ਧੰਨਵਾਦ ਕੀਤਾ। ਖਾਣ ਪੀਣ ਤੋਂ ਬਿਨਾਂ ਖਰੀਦੋ ਫਰੋਖਤ ਦੇ ਸਟਾਲ ਵੀ ਲਗਾਏ ਗਏ ਸਨ।
The post ਸਨੀਵੇਲ ਤੀਆਂ ‘ਚ ਸੰਮੀ ਨਾਚ ਨੇ ਪਾਈਆਂ ਧਮਾਲਾਂ appeared first on Quomantry Amritsar Times.