ਸੈਕਰਾਮੈਂਟੋ/ਹੁਸਨ ਲੜੋਆ ਬੰਗਾ :
ਪੰਜਾਬ ਪ੍ਰੋਡਕਸ਼ਨਜ਼ ਅਤੇ ਸ਼ਿਕਾਗੋ ਪੀਜ਼ਾ ਵੱਲੋਂ ਸੈਕਰਾਮੈਂਟੋ ਵਿਖੇ ਕਰਵਾਏ ‘ਦੇਸੀ ਰੌਕਸਟਾਰ’ ਸ਼ੋਅ ਵਿਚ ਪ੍ਰਸਿੱਧ ਪੰਜਾਬੀ ਗਾਇਕ ਤੇ ਪੰਜਾਬੀ ਫ਼ਿਲਮਾਂ ਦੇ ਹੀਰੋ ਗਿੱਪੀ ਗਰੇਵਾਲ, ਜੱਸੀ ਗਿੱਲ, ਬੱਬਲ ਰਾਏ ਨੇ ਪੰਜਾਬੀਆਂ ਨੂੰ ਆਪਣੇ ਗੀਤਾਂ ‘ਤੇ ਖ਼ੂਬ ਨਚਾਇਆ। ਇਸ ਮੌਕੇ ਕਬੱਡੀ ਕਿੰਗ ਤੀਰਥ ਗਾਖ਼ਲ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਗਰੈਂਡ ਸਪਾਂਸਰ ਸਮਰਜੀਤ ਮੱਲ੍ਹੀ, ਬੂਟਾ ਕਜਲਾ, ਸੀ.ਡੀ.ਐਲ. ਅਤੇ ਡਾਇਮੰਡ ਸਪਾਂਸਰ ਮਾਈਕ ਬੋਪਾਰਾਏ, ਜੈਕ ਰਾਮ ਪੌਲ ਰਾਮ, ਗੁਰਜਤਿੰਦਰ ਰੰਧਾਵਾ, ਧਰਮਿੰਦਰ ਥਾਂਦੀ ਅਤੇ ਪ੍ਰਦੀਪ ਸ਼ਰਮਾ ਸਨ। ਸਟੇਜ ਦੀ ਜ਼ਿੰਮੇਵਾਰੀ
ਸ਼ੈਰੀ ਦੱਤਾ ਅਤੇ ਸੁਖਵਿੰਦਰ ਸੰਘੇੜਾ ਨੇ ਨਿਭਾਈ।
ਜ਼ਿਕਰਯੋਗ ਹੈ ਕਿ ਪੰਜਾਬ ਪ੍ਰੋਡਕਸ਼ਨਜ਼ ਦਾ ਇਹ ਇਕੋ ਸਾਲ ਵਿਚ ਲਗਾਤਾਰ ਤੀਜਾ ਸ਼ੋਅ ਕਾਮਯਾਬ ਰਿਹਾ। ਹਾਲ ਫ਼ੁਲ ਹੋਣ ਕਰਕੇ ਦਰਸ਼ਕਾਂ ਨੂੰ ਕਈ ਵਾਰ ਕੰਟਰੋਲ ਕਰਨਾ ਔਖਾ ਸੀ ਪਰ ਸਕਿਉਰਟੀ ਦੇ
ਖ਼ਾਸ ਪ੍ਰਬੰਧ ਵੀ ਸਨ। ਪ੍ਰਬੰਧਕ ਦਲਜੀਤ ਸਿੰਘ ਢੰਡਾ, ਸੋਨੂੰ ਹੁੰਦਲ, ਹਰਪ੍ਰੀਤ ਦਾਹੀਆ, ਗੈਰੀ ਤੁੰਗ, ਹਰਪ ਗਿੱਲ, ਟੀ.ਜੇ. ਹੁੰਦਲ, ਸ਼ਰਨ ਅਠਵਾਲ, ਅਵਲੀਨ ਗਿੱਲ, ਨਵੀਨ ਖੋਸਲਾ, ਹਰਵੀ ਕਾਹਲੋਂ,
ਸੁਖ ਝੱਟੂ ਨੇ ਸ਼ੋਅ ਨੂੰ ਕਾਮਯਾਬ ਕਰਨ ਵਿਚ ਅਹਿਮ ਭੂਮਿਕਾ ਨਿਭਾਈ। ਸਾਰੇ ਕਲਾਕਾਰਾਂ ਨੇ ਆਪਣੇ ਚਰਚਿਤ ਗੀਤਾਂ ਨਾਲ ਦਰਸ਼ਕਾਂ ਦਾ ਭਰਪੂਰ ਮਨੋਰੰਜਨ ਕੀਤਾ।
The post ਪੰਜਾਬ ਪ੍ਰੋਡਕਸ਼ਨਜ਼ ਅਤੇ ਸ਼ਿਕਾਗੋ ਪੀਜ਼ਾ ਨੇ ਕਰਵਾਇਆ ‘ਦੇਸੀ ਰੌਕਸਟਾਰ’ ਸ਼ੋਅ appeared first on Quomantry Amritsar Times.