ਸਿਡਨੀ/ਬਿਊਰੋ ਨਿਊਜ਼:
ਪੰਜਾਬੀ ਗਾਇਕ ਸਤਿੰਦਰ ਸਰਤਾਜ ਦਾ ਸ਼ੋਅ ਸਿਡਨੀ ਵਿਖੇ ਬੜੀ ਕਾਮਯਾਬੀ ਨਾਲ ਸੰਪਨ ਹੋਇਆ। ਸਰਤਾਜ ਨੇ ਲਗਾਤਾਰ 4 ਘੰਟੇ ਇਸ ਸ਼ੋਅ ਵਿਚ ਗਾਇਆ ਅਤੇ ਦਰਸ਼ਕਾਂ ਦੀਆਂ ਫਰਮਾਇਸ਼ਾਂ ਨੂੰ ਪੂਰਾ ਕੀਤਾ। ਪ੍ਰਬੰਧਕ ਨੀਲੂ ਦੁੱਗਲ ਅਤੇ ਹਰਜਿੰਦਰ ਲੱਕੀ ਨੇ ਦੱਸਿਆ ਕਿ ਲਿਵਰਪੂਲ ਦੇ ਵਿਟਲਮ ਸੈਂਟਰ ਵਿਖੇ ਹੋਏ ਇਸ ਪ੍ਰੋਗਰਾਮ ਵਿਚ ਹਰ ਉਮਰ ਵਰਗ ਦੇ ਦਰਸ਼ਕ ਇਕੱਠੇ ਹੋਏ। ਗਾਇਕ ਸਤਿੰਦਰ ਸਰਤਾਜ ਨੇ ਪ੍ਰੋਗਰਾਮ ਨੂੰ ਸੁਣਨ ਲਈ ਸਭ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਅਗਮ ਗਰੁੱਪ ਤੋਂ ਜਸਵਿੰਦਰ ਮਾਨ ਨੇ ਵਿਸ਼ੇਸ਼ ਸਨਮਾਨ ਚਿੰਨ੍ਹ ਗਾਇਕ ਸਰਤਾਜ ਨੂੰ ਭੇਟ ਕੀਤਾ। ਹਾਲੀਵੁੱਡ ਵਿਚ ਬਣ ਰਹੀ ਫ਼ਿਲਮ ‘ਦ ਬਲੈਕ ਪ੍ਰਿੰਸ’ ਪ੍ਰਤੀ ਸਰਤਾਜ ਨੇ ਦਰਸ਼ਕਾਂ ਨਾਲ ਸਾਂਝ ਪਾਈ।
ਗਾਇਕ ਸਰਤਾਜ ਨੇ ‘ਸਾਈਂ’ ਤੋਂ ਲੈ ਕੇ ‘ਦਿਲ ਪਹਿਲਾਂ ਜਿਹਾ ਨਹੀਂ ਰਿਹਾ’, ‘ਜਲਸਾ’, ‘ਰੰਗਰੇਜ’, ‘ਹਜ਼ਾਰੇ ਵਾਲਾ ਮੁੰਡਾ’ ਤੇ ਹੋਰਨਾਂ ਗੀਤਾਂ ਨਾਲ ਸਰੋਤਿਆਂ ਦੀ ਸਾਂਝ ਪਾਈ।
The post ਸਤਿੰਦਰ ਸਰਤਾਜ ਨੇ ਸਿਡਨੀ ‘ਚ ਲਗਾਤਾਰ 4 ਘੰਟੇ ਅਪਣੀ ਸ਼ਾਇਰੀ ਤੇ ਆਵਾਜ਼ ਦਾ ਜਾਦੂ ਬਿਖੇਰਿਆ appeared first on Quomantry Amritsar Times.