ਯੂਬਾ ਸਿਟੀ/ਹੁਸਨ ਲੜੋਆ ਬੰਗਾ :
ਹਰ ਵਰ੍ਹੇ ਕਰਵਾਏ ਜਾਂਦੇ ਮਲਟੀਕਲਚਰਲ ਪ੍ਰੋਗਰਾਮ ਯੂਬਾ ਸਿਟੀ ਵਿਚ ਜਿੱਥੇ ਵੱਖ ਵੱਖ ਸਭਿਆਚਾਰਾਂ ਦੀਆਂ ਝਲਕੀਆਂ ਦੇਖਣ ਨੂੰ ਮਿਲਦੀਆਂ ਹਨ ਉਥੇ ਪੰਜਾਬੀ ਸਭਿਆਚਾਰ ਵਿਚੋਂ ਗਿੱਧਾ ਭੰਗੜਾ ਬਾਕੀਆਂ ਉਪਰ ਭਾਰੂ ਰਹਿੰਦਾ ਹੈ। ਸਟਰ ਕਾਊਂਟੀ ਲਾਇਬਰੇਰੀ ਵੱਲੋਂ ਵੰਗੈਨ ਡਾਂਸ ਕਰਵਾਇਆ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਚੇਅਰਪਰਸਨ ਤੇਜਿੰਦਰ ਕੌਰ ਨੇ ਕੀਤੀ. ਇਸ ਮੌਕੇ ਵੱਖ ਵੱਖ ਦੇਸ਼ਾਂ ਦੀਆਂ ਸਭਿਆਚਾਰਕ ਟੋਲੀਆਂ ਨੇ ਆਪਣੀਆਂ ਆਪਣੀਆਂ ਆਈਟਮਾਂ ਪੇਸ਼ ਕੀਤੀਆਂ। ਮੁੱਖ ਪ੍ਰਬੰਧਕ ਮੈਰੀਏਲਸ ਤੇ ਤੇਜਿੰਦਰ ਸੈਣੀ ਦੀ ਦੇਖ ਰੇਖ ‘ਚ ਕਰਵਾਏ ਗਏ ਇਸ ਪ੍ਰੋਗਰਾਮ ਵਿਚ ਇੰਡੋਨੇਸ਼ੀਆ, ਕੋਰੀਅਨ, ਸਾਊਥ ਅਫਰੀਕਾ, ਹਿਸਪੈਨਿਕ, ਅਮਰੀਕਨ ਤੇ ਪੰਜਾਬੀ ਤੇ ਵਾਲੀਵੁੱਡ ਆਈਟਮਾਂ ਪੇਸ਼ ਕੀਤੀਆਂ ਗਈਆਂ। ਇਸ ਮੌਕੇ ਕੁਝ ਸਖਸੀਅਤਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ ਜਿਨ੍ਹਾਂ ‘ਚ ‘ਬੈਸਟ ਕੋਰੀਓਗਰਾਫਰ’ ਨਵਨੀਤ ਕੌਰ ਰੰਧਾਵਾ ਤੇ ਅੰਬੀਕਾ ਸੈਣੀ, ਜਸਵਿੰਦਰ ਸੰਧੂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਣ ਵਾਲੇ ਆਫ਼ੀਸਲਜ਼ ਵਿਚ ਡ੍ਰਿਸਟਿਰਕ ਅਟਾਰਨੀ ਅਮਾਂਡਾ ਹੂਪਰ, ਮਾਰਸ਼ਾ ਕਰੂਜ ਟੇਲਰ, ਡਾਇਰੈਕਟਰ ਕਾਸਾ ਦੀ ਇਸਪਰਾਜਾ, ਡੀਡੈਕਟਰ ਈਜਾਬਲ, ਕਡੋਨੀ, ਅਨ ਚੋਪੜਾ, ਜਸਵਿੰਦਰ ਸੰਧੂ ਅਤੇ ਰੁਕਸਾਨਾ ਸ਼ਾਮਿਲ ਸਨ। ਇਸ ਮੌਕੇ ਬਾਕੀ ਪ੍ਰਬੰਧਾਂ ਵਿਚ ਕਿਮ ਸੰਘਾ, ਰੇਨੂ ਜੋਸ਼ੀ, ਗੌਰੀ ਗੌਪਰ, ਨਵਨੀਤ ਰੰਧਾਵਾ (ਕਾਸਾ ਦੇ ਇਸਪਰਾਂਜਾ) ਕੌਂਸਲਰ ਬਖਸ਼ੋ ਬੀਸਲਾ, ਸਨਦੀਪ, ਤੱਖਰ ਪਰਿਵਾਰ, ਸੁੱਖੀ ਚੀਮਾ, ਗੋਸਲ ਪਰਿਵਾਰ, ਇੰਦਰਜੀਤ ਕੌਰ, ਸਤਨਾਮ, ਮੀਨਾ ਬਾਂਸਲ, ਗੈਰੀ ਅਲਾਇਸ ਅਤੇ ਸਾਥੀਆਂ ਨੇ ਪ੍ਰਬੰਧਾਂ ਨੂੰ ਅੰੰਜਾਮ ਦਿੱਤਾ। ਵੱਡੀ ਗਿਣਤੀ ‘ਚ ਹਾਜ਼ਰ ਹੋਏ ਦਰਸ਼ਕਾਂ ਨੇ ਵੱਖ ਵੱਖ ਸਭਿਆਚਾਰਾਂ ਦੀਆਂ ਆਈਟਮਾਂ ਦਾ ਖੂਬ ਆਨੰਦ ਲਿਆ।
The post ਯੂਬਾ ਸਿਟੀ ‘ਚ ਕਰਵਾਏ ਗਏ ਵੱਖ-ਵੱਖ ਸਭਿਆਚਾਰਾਂ ਦੇ ਸੁਮੇਲ ਵਿੱਚ ਗਿੱਧੇ ਭੰਗੜੇ ਨੇ ਮਾਰੀ ਬਾਜੀ appeared first on Quomantry Amritsar Times.