ਫਰੀਮੌਂਟ/ਬਿਊਰੋ ਨਿਊਜ਼ :
ਗੋਲਡਨ ਪੰਜਾਬ ਕਲੱਬ ਯੂ.ਐਸ.ਏ (ਨਾਨ-ਪ੍ਰਾਫ਼ਿਟ) ਵਲੋਂ ਨੀਵਾਰਕ ਬੁਲੇਵਾਰਡ ਦੇ ਔਐਸਿਸ ਪੈਲੇਸ ਵਿਖੇ ਕਰਵਾਇਆ ਗਿਆ ਸਭਿਆਚਾਰਕ ਪ੍ਰੋਗਰਾਮ ‘ਕੱਚ ਦੀਆਂ ਮੁੰਦਰਾਂ’ ਸਫ਼ਲਤਾ ਨਾਲ ਨੇਪਰੇ ਚੜ੍ਹਿਆ। ਬੱਚਿਆਂ ਨੇ ਵਿੱਚ ਸ਼ਮੂਲੀਅਤ ਤੇ ਪੇਸ਼ਕਾਰੀ ਦੇ ਨਾਲ ਨਾਲ ਕਲੱਬ ਦੇ ਯੂਥ ਵਿੰਗ ਦੇ ਮੈਂਬਰ ਬਣ ਕੇ ਪੰਜਾਬੀ ਸਭਿਆਚਾਰ ਲਈ ਚੰਗਾ ਯੋਗਦਾਨ ਪਾਇਆ। ਪ੍ਰੋਗਰਾਮ ਦੇ ਆਰੰਭ ਵਿਚ ਕਲੱਬ ਦੇ ਚੇਅਰਮੈਨ ਮਰਹੂਮ ਸੰਤੋਖ ਸਿੰਘ ਤੱਖਰ ਦੀ ਵਿਛੜੀ ਰੂਹ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਗਈ। ਇਸ ਤੋਂ ਬਾਅਦ ਗੁਰਜੋਤ ਅਤੇ ਚਰਨਦੀਪ ਸਿੰਘ ਨੇ ਢੋਲ ‘ਤੇ ਡਗਾ ਲਗਾਇਆ। ਪ੍ਰਭ ਸਿਮਰਨ ਸਿੰਘ, ਰਵੀਨਾ ਵਿਰਦੀ, ਸਵਰੀਨ ਸੰਧੂ,ਪਲਕ ਪ੍ਰੀਤ ਅਤੇ ਆਂਚਲ ਹੋਠੀ ਨੇ ਗੀਤਾਂ ਅਤੇ ਕੋਰੀਓਗਰਾਫ਼ੀ ਦੀ ਸਫ਼ਲ ਪੇਸ਼ਕਾਰੀ ਕੀਤੀ। ਅਜੇ ਅਕੈਡਮੀ ਦੇ ਬੱਚਿਆਂ ਅਤੇ ਨੌਜਵਾਨ ਜਸਮੀਤ ਸਿੰਘ ਦੇ ਗਰੁੱਪ ਨੇ ਭੰਗੜਾ ਪੇਸ਼ ਕੀਤਾ। ਅਵਤਾਰ ਸਿੰਘ ਨੇ ਸਾਰੰਗੀ ਵਾਦਨ ਕਰ ਕੇ ਹਰ ਇਕ ਨੂੰ ਮੰਤਰ ਮੁਗਧ ਕਰ ਦਿੱਤਾ। ਇਸ ਤੋਂ ਇਲਾਵਾ ਪ੍ਰਿੰਸੀਪਲ ਹਰਨੇਕ ਸਿੰਘ, ਜੱਸ ਸਰਾਂ, ਅਮਰਜੀਤ ਜੌਹਲ, ਜਸਵਿੰਦਰ ਧਨੋਆ, ਗੋਗੀ ਸੰਧੂ, ਅਰਚਨਾ ਪਾਂਡਾ, ਗੁਰਬਚਨ ਕੌਰ ਅਤੇ ਅੰਜੂ ਕੁਮਾਰੀ ਨੇ ਪੰਜਾਬੀ ਸਭਿਆਚਾਰ ਦੇ ਵੱਖਰੇ–ਵੱਖਰੇ ਰੰਗ ਪੇਸ਼ ਕੀਤੇ।
ਪੰਜਾਬੀ ਅਤੇ ਪੰਜਾਬੀਅਤ ਲਈ ਕੰਮ ਕਰਦੀਆਂ ਸ਼ਖਸ਼ੀਅਤਾਂ ਆਸ਼ਾ ਸ਼ਰਮਾ, ਸੁਰਿੰਦਰ ਧਨੋਆ (ਪੰਜਾਬ ਲੋਕ ਰੰਗਮੰਚ), ਕੁਲਵਿੰਦਰ ਗਜ਼ਲਗੋ , ਸੁਖਨਿੰਦਰ ਕੌਰ (ਤੀਆਂ), ਰੇਅ ਵਾਲੀਆ (ਧੀਆਂ ਮਰ ਜਾਣੀਆਂ), ਜਸਪਾਲ ਸਿੰਘ ਅਤੇ ਗੋਗੀ (ਅਜੇ ਅਕੈਡਮੀ ਭੰਗੜਾ), ਬਲਜੀਵਨ (ਰੰਗ ਮੰਚ), ਇੰਦਰਜੀਤ ਚਾਹਲ (ਪੋਸਟ ਆਫ਼ਿਸ) ਅਤੇ ਅਲਮਸਤ ਦੇਸਰਪੁਰੀ (ਸੂਫ਼ੀ ਗਾਇਕ) ਦਾ ਸਨਮਾਨ ਕੀਤਾ ਗਿਆ। ਸਮਾਗਮ ਦੇ ਗਰਾਂਡ ਸਪਾਸਰ ਸਤਵੰਤ ਸਿੰਘ (ਸਤਵੰਤ ਇੰਸ਼ੌਰੈਂਸ) ਧਰਮਵੀਰ ਸਿੰਘ (ਬੇਅ ਏਰੀਆ ਹੋਮ ਲੋਨਜ਼), ਪ੍ਰੀਤਮ ਸਿੰਘ ਗਰੇਵਾਲ, ਰੇਅ ਵਾਲੀਆ (ਧੀਆਂ ਮਰ ਜਾਣੀਆਂ), ਸਨੀ ਗੋਸਵਾਮੀ ਅਤੇ ਲਵਪ੍ਰੀਤ ਪਨੂੰ (ਮਾਰਕੀਟਿੰਗ) ਸਨ।
ਸ਼ਾਇਰਾ ਨੀਲਮ ਸੈਣੀ ਨੇ ਪ੍ਰੋਗਰਾਮ ਦਾ ਮੰਚ ਸੰਚਾਲਨ ਬਾਖ਼ੂਬੀ ਨਿਭਾਇਆ। ਪ੍ਰੋਗਰਾਮ ਦੀ ਵਿਸ਼ੇਸ਼ਤਾ ਇਹ ਵੀ ਰਹੀ ਕਿ ਕਲੱਬ ਦੀ ਮੈਂਬਰ ਬਾਰ੍ਹਵੀਂ ਕਲਾਸ ਵਿਚ ਪੜ੍ਹਦੀ ਬੱਚੀ ਸਵਰੀਨ ਸੰਧੂ ਨੇ ਬੱਚਿਆਂ ਦੀਆਂ ਕੁਝ ਆਈਟਮਾਂ ਦੇ ਨਾਲ-ਨਾਲ ‘ਰਿਸ਼ਤੇ ਕੁਇਜ਼’ ਦਾ ਬਹੁਤ ਉਤਸ਼ਾਹ ਨਾਲ ਸਫ਼ਲ ਸੰਚਾਲਨ ਕੀਤਾ। ਪੰਜ ਸੌੰ ਤੋਂ ਵੱਧ ਪਰਿਵਾਰਾਂ ਨੇ ਸ਼ੁਰੂ ਤੋਂ ਲੈ ਕੇ ਅਖੀਰ ਤੱਕ ਇਸ ਪ੍ਰੋਗਰਾਮ ਦਾ ਆਨੰਦ ਮਾਣਿਆ।
The post ਗੋਲਡਨ ਪੰਜਾਬ ਕਲੱਬ ਦੇ ‘ਕੱਚ ਦੀਆਂ ਮੁੰਦਰਾਂ’ ਪ੍ਰੋਗਰਾਮ ‘ਚ ਪੰਜਾਬੀ ਸਭਿਆਚਾਰ ਦੀ ਖੂਬਸੂਰਤ ਪੇਸ਼ਕਾਰੀ appeared first on Quomantry Amritsar Times.