ਸੈਕਰਾਮੈਂਟੋ/ਬਿਊਰੋ ਨਿਊਜ਼:
ਪੰਜਾਬੀ ਸਾਹਿਬ ਸਭਾ ਕੈਲੀਫੋਰਨੀਆ ਦੀ ਇੱਥੇ ਹੋਈ ਮਹੀਨਾਵਾਰ ਇਕੱਤਰਤਾ ਮੌਕੇ ਸਰਗਰਮ ਕਾਰਜਕਾਰੀ ਮੈਂਬਰ ਰਮੇਸ਼ ਕੁਮਾਰ ਬੰਗੜ ਦੀ ਦੂਸਰੀ ਕਾਵਿਕ ਕਿਤਾਬ ‘ਪੁਰੇ ਦੀ ਹਵਾ’ ਲੋਕ ਅਰਪਣ ਕੀਤੀ ਗਈ। ਐਤਵਾਰ, 27 ਦਸੰਬਰ 2015 ਨੂੰ ਮਊਂਨਟੇਨ ਮਾਈਕ ਪੀਜ਼ਾ 5460 ਆਵਰਨ ਬੁਲੇਵਾਰਡ ਸੈਕਰਾਮੈਂਟੋ ਵਿਖੇ ਬਾਅਦ ਦੁਪਹਿਰ ਸ਼ੁਰੂ ਹੋਈ ਇਸ ਮੀਟਿੰਗ ਦੇ ਪ੍ਰਧਾਨਗੀ ਮੰਡਲ ਵਿਚ ਪ੍ਰਧਾਨ ਦਿਲ ਨਿੱਜਰ, ਕਵੀ ਰਮੇਸ਼ ਕੁਮਾਰ ਬੰਗੜ ਅਤੇ ਸਥਾਈ ਡਾਇਰੈਕਟਰ ਅਤੇ ਸਭਾ ਦੇ ਸੰਸਥਾਪਕ ਮਹਿੰਦਰ ਸਿੰਘ ‘ਘੱਗ’ ਸੁਹੋਏ।
ਸਟੇਜ ਸਕੱਤਰ ਜੋਤੀ ਸਿੰਘ ਨੇ ਨਵੇਂ ਮਹਿਮਾਨਾਂ ਡਾ. ਨਿਰਮਲ ਸਿੰਘ ਮਾਨ, ਦਲਜੀਤ ਕੌਰ ਸੰਧੂ ਅਤੇ ਸਰਫ਼ਰਾਜ ‘ਤਾਬੀਸ਼’ ਨਾਲ ਜਾਣ ਪਛਾਣ ਕਰਵਾਈ।
ਪ੍ਰਧਾਨ ਦਿਲ ਨਿੱਜਰ ਨੇ ‘ਪੁਰੇ ਦੀ ਹਵਾ’ ਕਿਤਾਬ ਬਾਰੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ, ਕਵੀ ਨੂੰ ਕਿਤਾਬ ਦੀ ਆਮਦ ਤੇ ਵਧਾਈ ਦਿੱਤੀ ਅਤੇ ਸਰਾਹਨਾ ਕੀਤੀ। ਡਾਇਰੈਕਟਰ ਮਹਿੰਦਰ ਸਿੰਘ ‘ਘੱਗ’, ਜੀਵਨ ਰੱਤੂ, ਇੰਦਰਜੀਤ ਸਿੰਘ ਗਰੇਵਾਲ ਤੇ ਹੋਰਨਾਂ ਨੇ ਕਿਤਾਬ ਬਾਰੇ ਵਿਚਾਰ ਪ੍ਰਗਟਾਏ ਤੇ ਲੇਖਕ ਨੂੰ ਵਧਾਈ ਦਿੱਤੀ
ਰਮੇਸ਼ ਕੁਮਾਰ ਬੰਗੜ ਨੇ ਆਪਣੇ ਸਾਹਿਤਕ ਸਫਰ ਅਤੇ ਪੰਜਾਬੀ ਸਾਹਿਤ ਸਭਾ ਨਾਲ ਆਪਣੇ ਸਬੰਧਾਂ ਬਾਰੇ ਭਾਵਨਾਤਮਕ ਗੱਲਾਂ ਕੀਤੀਆਂ। ਬੰਗੜ ਜੀ ਦੇ ਪਿਤਾ ਅਜੀਤ ਰਾਮ ਬੰਗੜ, ਜੋ ਆਪ ਬੜੇ ਅੱਛੇ ਕਵੀ ਹਨ, ਨੇ ਪ੍ਰੋ: ਮੋਹਨ ਸਿੰਘ ਦੀ ਕਵਿਤਾ ‘ਰੱਬ ਇਕ ਗੋਰਖ ਧੰਦਾ’ ਪੜੀ।
ਸਾਹਿਤ ਸਭਾ ਮੀਟਿੰਗ ਦੌਰਾਨ ਰਚਨਾਵਾਂ ਪੇਸ਼ ਕਰਨ ਵਾਲਿਆਂ ਵਿੱਚ ਜੋਤੀ ਸਿੰਘ, ਹਰਜਿੰਦਰ ਪੰਧੇਰ, ਰਾਠੇਸ਼ਵਰ ਸਿੰਘ ਸੂਰਾਪੁਰੀ, ਗੁਰਿੰਦਰ ਸੂਰਾਪੁਰੀ, ਮਲਿਕ ਇਮਤਿਆਜ, ਲਹਿੰਦੇ ਪੰਜਾਬ ਦੇ ਸ਼ਾਇਰ ਜਨਾਬ ਸਰਫਰਾਜ ਤਾਬਿਸ਼, ਡਾ. ਨਿਰਮਲ ਸਿੰਘ ਮਾਨ, ਹਰਭਜਨ ਸਿੰਘ ਢੇਰੀ, ਤਤਿੰਦਰ ਕੌਰ ਤੇ ਡਾ. ਪ੍ਰਗਟ ਸਿੰਘ ਸ਼ਾਮਲ ਸਨ।
ਦਿਲ ਨਿੱਜਰ ਨੇ ਸਭਾ ਦੀ ਅਗਲੀ ਇਕੱਤਰਤਾ 31 ਜਨਵਰੀ 2016 ਵਿਚ ਮਿਲਣ ਦਾ ਅਹਿਦ ਕਰਦਿਆਂ ਇਕ ਵਾਰ ਫੇਰ ਸਾਰੇ ਹਾਜ਼ਿਰ ਸਾਹਿਤ ਪ੍ਰੇਮੀਆਂ ਦਾ ਧੰਨਵਾਦ ਕੀਤਾ।
ਹਾਜ਼ਰ ਸਾਹਿਤਕਾਰਾਂ ਲਈ ਲੰਚ ਦੀ ਸੇਵਾ ਰਮੇਸ਼ ਕੁਮਾਰ ਬੰਗੜ ਵੱਲੋਂ ਕੀਤੀ ਗਈ।
The post ਰਮੇਸ਼ ਕੁਮਾਰ ਬੰਗੜ ਦੀ ਦੂਸਰੀ ਕਾਵਿਕ ਕਿਤਾਬ ‘ਪੁਰੇ ਦੀ ਹਵਾ’ ਲੋਕ ਅਰਪਣ appeared first on Quomantry Amritsar Times.