ਅਮਰੀਕਾ ਦੇ ਵੱਖ ਵੱਖ ਸ਼ਹਿਰਾਂ ਵਿੱਚ ਖੂਬ
ਜੰਮਣਗੀਆਂ ਸੂਫ਼ੀ ਗਾਇਨ ਦੀਆਂ ਮਹਿਫ਼ਲਾਂ
ਸੈਕਰਾਮੈਂਟੋ/ਬਿਊਰੋ ਨਿਊਜ਼ :
ਜੈ ਐਂਟਰਟੇਨਮੈਂਟ ਅਤੇ ਫਿਰਦੌਸ ਪ੍ਰੋਡਕਸ਼ਨ ਅਮਰੀਕਾ ਦੇ ਵੱਖ ਵੱਖ ਸ਼ਹਿਰਾਂ ਵਿਚ ਸੂਫ਼ੀ ਗਾਇਕ ਸਤਿੰਦਰ ਸਰਤਾਜ ਦੇ ਪ੍ਰੋਗਰਾਮ ਪੇਸ਼ ਕਰਨ ਜਾ ਰਿਹਾ ਹੈ। ਇਨ੍ਹਾਂ ਸੂਫ਼ੀਆਨਾ ਗਾਇਕੀ ਸ਼ਾਮ ਦੀ ਸ਼ੁਰੂਆਤ 5 ਸਤੰਬਰ ਨੂੰ ਸ਼ਾਮ 7 ਵਜੇ ਸਿਆਟਲ, ਵਾਸ਼ਿੰਗਟਨ ਤੋਂ ਹੋਵੇਗੀ। ਇਹ ਪ੍ਰੋਗਰਾਮ ਕਾਰਕੋ ਥੀਏਟਰ, 1717 ਸਾਉਥਈਸਟ ਮੈਪਲ ਵੈਲੀ, ਰੈਨਟਨ, ਵਾਸ਼ਿੰਗਟਨ ਵਿਖੇ ਕਰਵਾਇਆ ਜਾ ਰਿਹਾ ਹੈ। ਇਸ ਪ੍ਰੋਗਰਾਮ ਦੀ ਜਾਣਕਾਰੀ ਲਈ ਸਿਆਟਲ ਪੰਜਾਬੀ ਐਂਟਰਟੇਨਮੈਂਟ ਵਾਲੇ ਅਮਨਦੀਪ ਮੰਕੂ (206)422-3999 ਅਤੇ ਜੱਸੂ ਧਾਲੀਵਾਲ (206)915-2778 ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।
ਦੂਜਾ ਪ੍ਰੋਗਰਾਮ ਗੈਲੋ ਸੈਂਟਰ, 1000 1 ਸਟਰੀਟ, ਮੋਡੈਸਟੋ, ਕੈਲੀਫੋਰਨੀਆ ਵਿਖੇ 6 ਸਤੰਬਰ ਨੂੰ ਹੋਵੇਗਾ। ਇਸ ਪ੍ਰੋਗਰਾਮ ਦੀ ਜਾਣਕਾਰੀ ਲਈ ਜਸ ਔਲਖ ਨਾਲ 510-760-4275 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਸੂਫ਼ੀਆਨਾ ਗਾਇਕੀ ਦੀ ਤੀਸਰੀ ਮਹਿਫ਼ਲ 12 ਸਤੰਬਰ ਨੂੰ ਵਾਸ਼ਿੰਗਟਨ ਡੀ.ਸੀ. ਦੇ ਓਕਟਨ ਥੀਏਟਰ, 2900 ਸੁਟੋਨ ਰੋਡ, ਵੀਆਨਾ, ਵਰਜੀਨੀਆ ਵਿਚ ਜੁੜੇਗੀ। ਇਸ ਪ੍ਰੋਗਰਾਮ ਦੀ ਜਾਣਕਾਰੀ ਲਈ ਡਾ. ਸੁਖਪਾਲ ਸਿੰਘ ਨਾਲ (804)564-4208 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਚੌਥਾ ਪ੍ਰੋਗਰਾਮ 13 ਸਤੰਬਰ ਨੂੰ ਨਿਊਵਾਰਕਕ ਸਿੰਪੋਜ਼ੀਅਮ ਹਾਲ , 1030 ਬਰੋਡ ਸਟਰੀਟ ਨਿਊਵਾਰਕ, ਨਿਊ ਜਰਸੀ (Newark NJ) ਵਿਚ ਹੋਵੇਗਾ। ਵਧੇਰੇ ਜਾਣਕਾਰੀ ਲਈ ਪ੍ਰਦੀਪ ਗਿੱਲ ਨਾਲ (646)520-6706 ਅਤੇ ਸੁਖਵਿੰਦਰ ਸਿੰਘ ਨਾਲ (908)338-3750 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਸਤਿੰਦਰ ਸਰਤਾਜ ਦਾ ਲਾਈਵ ਕਨਸਰਟ 19 ਸਤੰਬਰ ਨੂੰ ਲੂਥਰ ਬਰਬੈਂਕ ਆਡੀਟੋਰੀਅਮ, 3900 ਫਲੋਰਿਨ ਰੋਡ, ਸੈਕਰਾਮੈਂਟੋ, ਕੈਲੀਫੋਰਨੀਆ ਵਿਚ ਹੋਵੇਗਾ। ਇਸ ਬਾਰੇ ਜਾਣਕਾਰੀ ਲਈ ਬੌਬ ਗਿੱਲ ਨਾਲ (916)996-1961 ਅਤੇ ਪਰਮਜੀਤ ਸਿੰਘ (510)499-1211 ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।
ਇਨ੍ਹਾਂ ਪ੍ਰੋਗਰਾਮਾਂ ਦੀ ਆਖਰੀ ਲੜੀ ਤਹਿਤ ਛੇਵਾਂ ਪ੍ਰੋਗਰਾਮ 20 ਸਤੰਬਰ ਨੂੰ ਡੋਰੇ ਥੀਏਟਰ ਸੀ.ਐਸ.ਯੂ., 9001 ਸਟੋਕਡੇਲ ਹਾਈਵੇ, ਬੇਕਰਸਫੀਲਡ, ਕੈਲੀਫੋਰਨੀਆ ਵਿਚ ਹੋਵੇਗਾ। ਇਸ ਪ੍ਰੋਗਰਾਮ ਬਾਰੇ ਜਾਣਕਾਰੀ ਲੈਣ ਲਈ ਹਰਜੀਤ ਸਿੰਘ ਨਾਲ (661)201-5894 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਇਨ੍ਹਾਂ ਪ੍ਰੋਗਰਾਮਾਂ ਬਾਰੇ ਹੋਰ ਵਧੇਰੇ ਜਾਣਕਾਰੀ ਲੈਣ ਲਈ 510-677-2777 ‘ਤੇ ਕਾਲ ਕੀਤਾ ਜਾ ਸਕਦਾ ਹੈ। ਆਨਲਾਈਨ ਟਿਕਟਾਂ www.satindersartaj.com, www.sulekha.com ‘ਤੇ ਉਪਲਬਧ ਹੋਣਗੀਆਂ।
ਸਤਿੰਦਰ ਸਰਤਾਜ ਦਾ ਸ਼ੋਅ 12 ਸਤੰਬਰ ਨੂੰ
ਵਾਸ਼ਿੰਗਟਨ ਡੀ ਸੀ ਦੇ ਸਮੁੱਚੇ ਪੰਜਾਬੀ ਭਾਈਚਾਰੇ ਵਲੋਂ
ਮਿਆਰੀ ਗਾਇਕੀ ਦੇ ਪ੍ਰੋਗਰਾਮ ਦਾ ਭਰਪੂਰ ਸਮਰਥਨ
ਵਾਸ਼ਿੰਗਟਨ ਡੀ ਸੀ/ਬਿਊਰੋ ਨਿਊਜ਼:
ਪ੍ਰਸਿੱਧ ਗਾਇਕ ਸਤਿੰਦਰ ਸਰਤਾਜ ਦਾ ਇਕ ਸ਼ੋਅ ਰੇਡੀਓ ਪੰਜਾਬੀ ਵੇਵਜ਼ ਵੱਲੋਂ ਸਮੁੱਚੀ ਕਮਿਊਨਿਟੀ ਦੇ ਸਹਿਯੋਗ ਨਾਲ ਵਾਸ਼ਿੰਗਟਨ ਡੀ ਸੀ ਏਰੀਏ ਵਿਚ ਕਰਵਾਇਆ ਜਾ ਰਿਹਾ ਹੈ। 12 ਸਤੰਬਰ ਸ਼ਨਿਚਰਵਾਰ ਨੂੰ ਸ਼ਾਮੀ 7:00 ਵਜੇ ਓਕਟਨ ਹਾਈ ਸਕੂਲ ਵੀਆਨਾ ‘ਚ ਕਰਵਾਏ ਜਾ ਰਹੇ ਇਸ ਸਾਫ਼ ਸੁਥਰੀ ਅਤੇ ਮਿਆਰੀ ਗਾਇਕੀ ਦੇ ਪ੍ਰੋਗਰਾਮ ਨੂੰ ਵੱਖ ਵੱਖ ਸੰਸਥਾਵਾਂ ਅਤੇ ਬਿਜਨੈਸ ਅਦਾਰਿਆਂ ਵੱਲੋਂ ਭਰਵਾਂ ਸਹਿਯੋਗ ਦੇਣ ਦੇ ਨਾਲ ਨਾਲ ਇਸ ਸ਼ੋਅ ਨੂੰ ਸਫ਼ਲ ਬਨਾਉਣ ਲਈ ਆਪਣੇ ਤੌਰ ਤੇ ਮੀਟਿੰਗਾਂ ਦਾ ਸਿਲਸਿਲਾ ਚਲਾਇਆ ਜਾ ਰਿਹਾ ਹੈ।
ਇਸ ਸਬੰਧ ਵਿੱਚ ਬੀਤੇ ਦਿਨੀਂ ਸ਼ਾਮੀਂ ਇਸ ਏਰੀਏ ਦੀ ਇਕ ਪਰਿਵਾਰਕ ਸੰਸਥਾ ‘ਓਠੀ ਪਿੰਡ’, ਜਿਸਦੇ ਦੋ ਸੋ ਤੋਂ ਵੀ ਵੱਧ ਪਰਿਵਾਰਕ ਮੈਂਬਰ ਹਨ, ਵੱਲੋਂ ਇਕ ਮੀਟਿੰਗ ਵਿਚ ਰੇਡੀਓ ਪੰਜਾਬੀ ਵੇਵਜ਼ ਵੱਲੋਂ ਕਰਵਾਏ ਜਾ ਰਹੇ ਸਤਿੰਦਰ ਸਰਤਾਜ ਦੇ ਇਸ ਸੋਨੂੰ ਸਫ਼ਲ ਕਰਨ ਦਾ ਫੈਸਲਾ ਲੈਂਦਿਆਂ ਪੂਰਨ ਹਮਾਇਤ ਦਾ ਭਰੋਸਾ ਦਿਵਾਇਆ ਗਿਆ। ਉਨ੍ਹਾਂ ਵੱਲੋਂ ਨਾ ਸਿਰਫ਼ ਇਸ ਸ਼ੋਅ ਨੂੰ ਸਪਾਂਸਰ ਹੀ ਕੀਤਾ ਗਿਆ ਹੈ ਸਗੋਂ ਸਤਿੰਦਰ ਸਰਤਾਜ ਦੀ ਸਮੁੱਚੀ ਟੀਮ ਦੇ ਡੀ ਸੀ ਪੁੱਜਣ ਤੇ ਉਨ੍ਹਾਂ ਦੀ ਆਓ ਭਗਤ ਦੀ ਜ਼ਿੰਮੇਵਾਰੀ ਵੀ ਸਾਂਭ ਲਈ ਗਈ ਹੈ।
ਵਰਣਨਯੋਗ ਹੈ ਕਿ ਸਤਿੰਦਰ ਸਰਤਾਜ ਨਾ ਸਿਰਫ਼ ਆਪਣੀ ਸਾਫ਼ ਸੁਥਰੀ ਪਰਿਵਾਰਕ ਤੇ ਸੂਫ਼ੀ ਗਾਇਕੀ ਕਾਰਨ ਹੀ ਹਰਮਨ ਪਿਆਰਤਾ ਦੀ ਸਿਖਰ ਤੇ ਸਗੋਂ ਹਾਲੀਵੁੱਡ ‘ਚ ਮਹਾਰਾਜ ਦਲੀਪ ਸਿੰਘ ਉਪਰ ਬਣ ਰਹੀ ਇਤਿਹਾਸਕ ਫਿਲਮ ‘ਚ ਮਹਾਰਾਜਾ ਦਲੀਪ ਸਿੰਘ ਦਾ ਕਿਰਦਾਰ ਨਿਭਾਉਣ ਕਾਰਨ ਦੁਨੀਆਂ ਭਰ ਦੇ ਮੀਡੀਏ ਰਾਹੀਂ ਚਰਚਾ ਵਿਚ ਹੈ। ਮਹਾਰਾਜਾ ਰਣਜੀਤ ਸਿੰਘ ਮਗਰੋਂ ਸਿੱਖ ਰਾਜ ਦੇ ਆਖਰੀ ਵਾਰਿਸ ਉਪਰ ਬਣ ਰਹੀ ਇਸ ਫਿਲਮ ਰਾਹੀਂ ਬਾਹਰਲੇ ਸਿੱਖਾਂ ਦੀ ਪਛਾਣ ਸੰਬੰਧੀ ਪਾਏ ਜਾ ਰਹੇ ਕਾਫ਼ੀ ਭੁਲੇਖੇ ਦੂਰ ਹੋਣਗੇ । ਇਸ ਪੱਖੋਂ ਵੀ ਸਤਿੰਦਰ ਸਰਤਾਜ ਦੇ ਸ਼ੋਅ ਨੂੰ ਵੇਖਣ ਲਈ ਲੋਕਾਂ ਵਿਚ ਭਾਰੀ ਉਤਸ਼ਾਹ ਹੈ। ਮਹਾਰਾਜਾ ਦਲੀਪ ਸਿੰਘ ਉਪਰ ਬਣ ਰਹੀ ‘ਦਾ ਬਲੈਕ ਪਿੰਸ’ (“he 2lack Prince) ਨਾਂ ਦੀ ਇਸ ਹਾਲੀਵੁੱਡ ਫਿਲਮ ਵਿਚ ਸਤਿੰਦਰ ਸਰਤਾਜ ਲੀਡ ਰੋਲ ਵਿਚ ਹੋਣ ਕਾਰਨ ਇਸ ਪੱਗ ਵਾਲੇ ਗਾਇਕ ਦਾ ਹਾਲੀਵੁੱਡ ਫਿਲਮਾਂ ਵਿਚ ਵੀ ਸਿਤਾਰਾ ਬੁਲੰਦੀਆਂ ਵੱਲ ਹੈ।
ਸਤਿੰਦਰ ਸਰਤਾਜ ਦੀ ਉੱਚ ਪੱਧਰੀ ਗੀਤ ਚੋਣ, ਬੁਲੰਦ ਆਵਾਜ਼ ਅਤੇ ਸਿੱਖ ਇਤਿਹਾਸ ਦੇ ਬਹੁਤ ਹੀ ਮਹੱਤਵਪੂਰਨ ਪੱਖਾਂ ਨੂੰ ਛੋਹਣ ਵਾਲੀ ਹਾਲੀਵੁੱਡ ਫਿਲਮ ਵਿਚ ਮਹਾਰਾਜਾ ਦਲੀਪ ਸਿੰਘ ਦੇ ਦੁਖਾਂਤਕ ਪੱਖ ਨੂੰ ਉਭਾਰਦਾ ਕਿਰਦਾਰ ਨਿਭਾਉਣ ਕਾਰਨ ਸਰਤਾਜ ਦੇ ਇਸ ਸ਼ੋਅ ਨੂੰ ਸਫ਼ਲ ਕਰਨ ਲਈ ਕਈ ਸਿੱਖ ਸੰਸਥਾਵਾਂ, ਗੁਰੂ ਘਰਾਂ ਦੀ ਪ੍ਰਬੰਧਕ ਕਮੇਟੀਆਂ ਅਤੇ ਵੱਖ ਵੱਖ ਬਿਜਨੈਸ ਅਦਾਰਿਆਂ ਵੱਲੋਂ ਖੁੱਲ੍ਹ ਕੇ ਹਮਾਇਤ ਕੀਤੀ ਜਾ ਰਹੀ ਹੈ।
ਇਸੇ ਦੌਰਾਨ ਇਥੋਂ ਦੇ ਹਰਮਨ ਪਿਆਰੇ ਰੇਡੀਓ ਪੰਜਾਬੀ ਵੇਵਜ਼ ਦੇ ਪ੍ਰੋਡਿਊਸਰ ਹੋਸਟ ਅਤੇ ਮੀਡੀਏ ‘ਚ ਪੰਜਾਬੀ ਸਭਿਆਚਾਰ ਦੇ ਪ੍ਰਚਾਰ ਤੇ ਪ੍ਰਸਾਰ ਲਈ ਜਾਣੀ ਪਹਿਚਾਣੀ ਸ਼ਖ਼ਸੀਅਤ ਡਾ. ਸੁਖਪਾਲ ਸਿੰਘ ਧਨੋਆ ਵੱਲੋਂ ਇਸ ਸ਼ੋਅ ਨੂੰ ਨਿਰੋਲ ਪਰਿਵਾਰਕ ਹੀ ਰਖਿਆ ਜਾ ਰਿਹਾ ਹੈ। ਸਿਕਉਰਿਟੀ ਦੇ ਪੂਰੇ ਪ੍ਰਬੰਧ ਕੀਤੇ ਗਏ ਹਨ ਅਤੇ ਵਿਦਿਆਰਥੀਆਂ ਤੱਕ ਸਾਫ਼ ਸੁਥਰੀ ਗਾਇਕੀ ਅਤੇ ਇਸ ਫਿਲਮ ਦਾ ਸੁਨੇਹਾ ਪਹੁੰਚਾਉਣ ਲਈ ਟਿਕਟਾਂ ਤੇ ਵਿਸ਼ੇਸ਼ ਛੋਟ ਦਿੱਤੀ ਜਾ ਰਹੀ ਹੈ। ਪੰਜਾਬੀ ਸਭਿਆਚਾਰ ਦੇ ਵਿਕਾਸ ਲਈ ਸਮਰਪਿਤ ਰੇਡੀਓ ਪੰਜਾਬੀ ਵੇਵਜ਼ ਦੇ ਨਾਲ ਰੇਡੀਓ ਜ਼ਿੰਦਗੀ ਅਤੇ ਗਲੋਬਲ ਪੰਜਾਬੀ ਟੀ ਵੀ ਵੱਲੋਂ ਇਸ ਸ਼ੋਅ ਦੀ ਸਫ਼ਲਤਾ ਲਈ ਪੂਰਨ ਸਹਿਯੋਗ ਦਿੱਤਾ ਜਾ ਰਿਹਾ ਹੈ। ਇਸ ਸ਼ੋਅ ਸਬੰਧੀ ਹੋਰ ਜਾਣਕਾਰੀ ਲਈ ਫੋਨ ਨੰਬਰ 804-564-4208 ਜਾਂ 571-437-0100 ਤੇ ਸੰਪਰਕ ਵੀ ਕੀਤਾ ਜਾ ਸਕਦਾ ਹੈ।