ਜੈਜ਼ੀ ਬੀ ਨਵੇਂ ਗੀਤ ‘ਸਿੰਘਾਂ ਦੀਆਂ ਗੱਡੀਆਂ’ਨਾਲ ਚਰਚਾ ‘ਚ

ਚੰਡੀਗੜ੍ਹ/ਬਿਊਰੋ ਨਿਊਜ਼-ਪ੍ਰਸਿੱਧ ਪੰਜਾਬੀ ਗਾਇਕ ਜੈਜ਼ੀ ਬੀ ਦੇ ‘ਯੂ ਟਿਊਬ’ ਤੇ 12 ਘੰਟੇ ਪਹਿਲਾਂ ਸਾਂਝੇ ਕੀਤੇ ਗਏ ਨਵੇਂ ਗੀਤ ‘ਸਿੰਘਾਂ ਦੀਆਂ ਗੱਡੀਆਂ’ ਨੇ ਸਵਾ ਲੱਖ ਤੋਂ ਵੱਧ ਦਰਸ਼ਕਾਂ ਦਾ ਹੁੰਗਾਰਾ ਮਿਲਿਆ ਹੈ। ਜ਼ਿਕਰਯੋਗ ਹੈ ਕਿ ਇਹ ਗੀਤ ‘ਸਪੀਡ ਰਿਕਾਰਡਜ਼’ ਵਲੋਂ ਰਿਲੀਜ਼ ਕੀਤਾ ਗਿਆ ਹੈ। ਗੀਤ ਦੇ ਰਚੇਤਾ ਜੈਲੀ ਮਨਜੀਤਪੁਰੀ ਹਨ ਤੇ ਸੰਗੀਤ ਪੌਪਸੀ ਨੇ ਤਿਆਰ ਕੀਤਾ ਹੈ। ਗੀਤ ਦਾ ਫਿਲਮਾਂਕਣ ਰਿੰਪੀ ਪ੍ਰਿੰਸ ਨੇ ਕੀਤਾ ਹੈ ਅਤੇ ਫੋਕ ਲਹਿਜ਼ੇ ਵਾਲਾ ਇਹ ਗੀਤ ਸਭ ਵਰਗ ਦੇ ਸਰੋਤਿਆਂ ਦੀ ਪਹਿਲੀ ਪਸੰਦ ਬਣਦਾ ਜਾ ਰਿਹਾ ਹੈ। ਆਪਣੇ ਇਸ ਗੀਤ ਦੀ ਪ੍ਰਾਪਤੀ ਤੋਂ ਖੁਸ਼ ਜੈਜ਼ੀ ਬੀ ਨੇ ਕਿਹਾ ਕਿ ਦੁਨੀਆ ਭਰ ਵਿਚ ਵਸਦੇ ਸਰੋਤਿਆਂ ਦਾ ਏਨਾ ਪਿਆਰ ਅਕਸਰ ਮੈਨੂੰ ਭਾਵੁਕ ਕਰ ਦਿੰਦਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਗੀਤ ਵਿਚ ਪੰਜਾਬੀਆਂ ਦੇ ਸੁਭਾਅ, ਰਹਿਣ-ਸਹਿਣ, ਪਹਿਨਣ, ਖਾਣ-ਪੀਣ ਤੇ ਸੰਗੀਤ ਦੇ ਸ਼ੌਕ ਦੀ ਗੱਲ ਕੀਤੀ ਗਈ ਹੈ। ਗੀਤ ਵਿਚ ਮਰਹੂਮ ਗਾਇਕ ਕੁਲਦੀਪ ਮਾਣਕ, ਮੁਹੰਮਦ ਸਦੀਕ ਤੇ ਸੁਰਿੰਦਰ ਸ਼ਿੰਦਾ ਹੁਰਾਂ ਦੀਆਂ ਪ੍ਰਾਪਤੀਆਂ ਦਾ ਵੀ ਜ਼ਿਕਰ ਹੈ।