ਡੈਵਨਪੋਰਟ/ਬਿਊਰੋ ਨਿਊਜ਼ :
ਪੰਜਾਬੀ ਕਮਿਊਨਿਟੀ ਕੁਆਡ ਸਿਟੀਜ ਵਲੋਂ ਡੈਵਨਪੋਰਟ ਵਿਖੇ ਪਿਕਨਿਕ ਮਨਾਈ ਗਈ। ਇਸ ਮੌਕੇ ਪੰਜਾਬੀ ਭਾਈਚਾਰੇ ਦੇ ਲੋਕਾਂ ਨੇ ਪਰਿਵਾਰ ਸਮੇਤ ਪਿਕਨਿਕ ਦਾ ਆਨੰਦ ਮਾਣਿਆ। ਇਸ ਮੌਕੇ ਕੁਆਡ ਸਿਟੀਜ ਪੰਜਾਬੀ ਕਮਿਊਨਿਟੀ ਵਲੋਂ ਵਾਲੀਬਾਲ ਦਾ ਮੈਚ ਕਰਵਾਇਆ ਗਿਆ, ਜਿਸ ਵਿਚ ਸਾਰਿਆਂ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ। ਬੱਚਿਆਂ ਦੀਆਂ ਖੇਡਾਂ ਵੀ ਕਰਵਾਈਆ ਗਈਆਂ, ਜਿਸ ਵਿਚ ਦੌੜਾਂ, ਲੈਮਨ ਐਂਡ ਸਪੂਨ ਦੌੜ ਵੀ ਕਰਵਾਈ ਗਈ। ਬੱਚਿਆਂ ਨੇ ਇਸ ਪਿਕਨਿਕ ਦਾ ਖੂਬ ਆਨੰਦ ਮਾਣਿਆ। ਦੂਰੋਂ ਨੇੜਿਓ ਪਹੁੰਚੀਆਂ ਬੀਬੀਆਂ ਨੇ ਗਿੱਧਾ ਪਾ ਕੇ ਅਤੇ ਵੱਡਿਆਂ ਨੇ ਭੰਗੜਾ ਪਾ ਕੇ ਪਿਕਨਿਕ ਦੇ ਪ੍ਰੋਗਰਾਮ ਨੂੰ ਚਾਰ ਚੰਨ ਲਗਾ ਦਿੱਤੇ। ਇਹ ਪਿਕਨਿਕ ਪ੍ਰਧਾਨ ਜੀਤ ਸਿੰਘ ਦੀ ਦੇਖ-ਰੇਖ ਹੇਠ ਬਣਾਈ ਗਈ ਕਮੇਟੀ, ਜਿਸ ਵਿਚ ਸ਼ਾਨ ਸਿੰਘ ਸਹੋਤਾ, ਹਰਭਜਨ ਸਿੰਘ, ਪ੍ਰਦੀਪ ਸਿੰਘ, ਧਰਮਿੰਦਰ ਵਸ਼ਿਸ਼ਟ, ਕਰਮ ਸਿੰਘ, ਗੋਗੀ ਕੋਸ਼ਿਲ, ਜਸਵੀਰ ਠਾਕੁਰ ਅਤੇ ‘ਦਾ ਟਾਈਮਜ਼ ਆਫ਼ ਪੰਜਾਬ’ ਦੇ ਮੁੱਖ ਸੰਪਾਦਕ ਸ਼ਰਨਜੀਤ ਬੈਂਸ ਸ਼ਾਮਲ ਹਨ, ਵਲੋਂ ਕਰਵਾਈ ਗਈ। ਇਸ ਮੌਕੇ ਖੇਡਾਂ ਵਿਚ ਅਵੱਲ ਆਏ ਬੱਚਿਆਂ ਨੂੰ ਇਨਾਮ ਦੇ ਕੇ ਉਨ੍ਹਾਂ ਦੀ ਹੌਂਸਲਾ ਅਫਜਾਈ ਕੀਤੀ। ਇਸ ਤੋਂ ਇਲਾਵਾ ਖਾਣਿਆਂ ਦਾ ਪ੍ਰਬੰਧ ਕੀਤਾ ਗਿਆ। ਪਿਕਨਿਕ ਵਿਚ ਅਨੁਜ ਪ੍ਰਿੰਸ, ਸੰਪੂਰਨ ਸਿੰਘ, ਗੁਰਵਿੰਦਰ ਸਿੰਘ ਗੈਰੀ, ਜੰਗਵੀਰ ਠਾਕੁਰ, ਕਰਮਿੰਦਰ ਸਿੰਘ ਟਿਵਾਣਾ, ਬੀਬੀ ਸਰਵਿੰਦਰ ਕੌਰ ਸਪੁੱਤਰੀ ਬਾਪੂ ਸੂਰਤ ਸਿੰਘ ਖਾਲਸਾ, ਨਗਿੰਦਰ ਸਿੰਘ, ਪ੍ਰੇਮ ਸਿੰਘ, ਜਸਵੀਰ ਸਿੰਘ ਨੇ ਪਰਿਵਾਰਾਂ ਸਮੇਤ ਭਾਗ ਲਿਆ।
The post ਪੰਜਾਬੀ ਕਮਿਊਨਿਟੀ ਨੇ ਪਿਕਨਿਕ ਮਨਾਈ appeared first on Quomantry Amritsar Times.