ਫਰੀਮਾਂਟ/ਬਿਊਰੋ ਨਿਊਜ਼:
ਕਈ ਅੰਤਰ ਰਾਸ਼ਟਰੀ ਐਵਾਰਡ ਜੇਤੂ ਪੰਜਾਬੀ ਫਿਲਮ ”ਧੀਆਂ ਮਰਜਾਣੀਆਂ” ਦੇ ਡਾਇਰੈਕਟਰ ਅਸ਼ੋਕ ਟਾਂਗਰੀ ਇਨ੍ਹੀਂ ਦਿਨੀਂ ਆਪਣੇ ਨਵੇਂ ਨਾਟਕ ”ਕਿਸਾਨ ਖੁਦਕਸ਼ੀ ਦੇ ਮੋੜ ‘ਤੇ ”ਨਾਲ ਫਿਰ ਚਰਚਾ ਵਿੱਚ ਹਨ। ਯਾਦ ਰਹੇ ਕਿ ”ਧੀਆਂ ਮਰਜਾਣੀਆਂ” ਨਾਟਕ ਨੂੰ ਕੈਲੇਫੋਰਨੀਆਂ ਦੇ ਵੱਡੇ ਸ਼ਹਿਰਾਂ ਵਿੱਚ ਦਰਸ਼ਕਾਂ ਵਲੋਂ ਬੇਮਿਸਾਲ ਹੁੰਘਾਰਾ ਮਿਲਣ ਤੋਂ ਬਾਅਦ ਫਿਲਮੀ ਰੂਪ ਦੇ ਦਿੱਤਾ ਗਿਆ ਸੀ। ਹੁਣ ਇੱਕ ਵਾਰ ਫਿਰ ਉਸੇ ਹੀ ਟੀਮ ਨੂੰ ਲੈ ਕੇ ਅਭੀਰਾਜ ਪ੍ਰੋਡਕਸ਼ਨ ਦੇ ਪ੍ਰੋਡਿਊਸਰ ਸ. ਤਾਰਾ ਸਿੰਘ ਸਾਗਰ ਤੇ ਡਾਇਰੈਕਟਰ ਅਸ਼ੋਕ ਟਾਂਗਰੀ ਕਿਸਾਨ ਖੁਦਕਸ਼ੀਆਂ ਵਰਗੇ ਗੰਭੀਰ ਮੁੱਦੇ ਉੱਤੇ ਨਵਾਂ ਨਾਟਕ ”ਕਿਸਾਨ ਖੁਦਕਸ਼ੀ ਦੇ ਮੋੜ ‘ਤੇ”ਲੈ ਕੇ ਦਰਸ਼ਕਾਂ ਦੇ ਰੂਬਰੂ ਹੋਣ ਜਾ ਰਹੇ ਹਨ।
ਕੁਲਦੀਪ ਸਿੰਘ ਦੀਪ ਦੇ ਲਿਖੇ ਇਸ ਨਾਟਕ ਦਾ ਪਹਿਲਾਂ ਮੰਚਨ ਅਪ੍ਰੈਲ ਮਹੀਨੇ ਦੇ ਅਖੀਰ ਤੱਕ ਕਰਨ ਦੀਆਂ ਤਿਆਰੀਆਂ ਜ਼ੋਰਾਂ ਸ਼ੋਰਾਂ ਨਾਲ ਚੱਲ ਰਹੀਆਂ ਹਨ। ਕਰੀਬ ਦਸ ਕਲਾਕਾਰ ਇਸ ਨਾਟਕ ਵਿੱਚ ਵੱਖੋ ਵਖਰੇ ਪਾਤਰਾਂ ਨੂੰ ਰੂਪਮਾਨ ਕਰਨਗੇ। ਜਸਵੰਤ ਸਿੰਘ ਸ਼ਾਦ, ਡਿੰਪਲ ਬੈਂਸ ਤੇ ਦਰਸ਼ਨ ਸਿੰਘ ਕਹਿਲ ਜਿੱਥੇ ਮੁੱਖ ਪਾਤਰਾਂ ਵਜੋਂ ਨਜ਼ਰ ਆਉਣਗੇ ਉੱਥੇ ਕਈ ਨਵੇਂ ਚਿਹਰੇ ਵੀ ਇਸ ਨਾਟਕ ਦਾ ਹਿੱਸਾ ਬਣਨਗੇ।
ਜਸਵੰਤ ਸਿੰਘ ਸ਼ਾਦ ਦੇ ਗ੍ਰਹਿ ਵਿਖੇ ਹੋਈ ਮੀਟਿੰਗ ਵਿੱਚ ਡਾਇਰੈਕਟਰ ਅਸ਼ੋਕ ਟਾਂਗਰੀ ਨੇ ਆਖਿਆ ਕਿ ਉਮੀਦ ਕਰਦੇ ਹਾਂ ਕਿ ਇਸ ਵਾਰ ਵੀ ਦਰਸ਼ਕ ਨਾਟਕ ”ਧੀਆਂ ਮਰਜਾਣੀਆਂ” ਜਿੰਨਾ ਪਿਆਰ ਤੇ ਸਤਿਕਾਰ ਬਖਸ਼ਣਗੇ.।ੁਹਨਾਂ ਦੱਸਿਆ ਕਿ ਇਸ ਵਾਰ ਕੈਲੇਫੋਰਨੀਆਂ, ਸਿਆਟਲ ਤੇ ਸਰੀ ਤੋਂ ਇਲਾਵਾ ਹੋਰ ਸਟੇਟਾਂ ਵਿੱਚ ਵੀ ਨਾਟਕ ਖੇਡੇ ਜਾਣਗੇ ।
The post ਨਾਟਕ ”ਕਿਸਾਨ ਖੁਦਕਸ਼ੀ ਦੇ ਮੋੜ ‘ਤੇ” ਦੀਆਂ ਤਿਆਰੀਆਂ ਜ਼ੋਰਾਂ ਉਤੇ appeared first on Quomantry Amritsar Times.