ਚੰਡੀਗੜ੍ਹ/ਬਿਊਰੋ ਨਿਊਜ਼
ਪੂਰੀ ਦੁਨੀਆਂ ‘ਚ ਆਪਣੇ ਗਾਣਿਆਂ ਨਾਲ ਧੁੰਮਾਂ ਪਾਉਣ ਵਾਲੇ ਯੋ-ਯੋ ਹਨੀ ਸਿੰਘ ਪੀਟੀਸੀ ਮੋਸ਼ਨ ਪਿਕਚਰਸ ਵਲੋਂ ਬਣਾਈ ਗਈਫ਼ਿਲਮ ”ਜ਼ੋਰਾਵਰ’ ਦੇ ਜ਼ਰੀਏ ਪੰਜਾਬੀ ਫ਼ਿਲਮ ਜਗਤ ‘ਚ ਸ਼ਾਨਦਾਰ ਐਂਟਰੀ ਮਾਰਨ ਲਈ ਤਿਆਰ ਹਨ। ਪੀ.ਟੀ.ਸੀ. ਮੋਸ਼ਨ ਪਿਕਚਰਸ ਦੇ ਰਾਜੀ ਐਮ. ਸ਼ਿੰਦੇ ਅਤੇ ਰਬਿੰਦਰ ਨਾਰਾਇਣ ਨੇ ਪ੍ਰੋਡਿਊਸ ਅਤੇ ਵਿਨੀਲ ਮਾਰਕਨ ਵਲੋਂ ਡਾਇਰੈਕਟ ਕੀਤੀ ਗਈ ”ਜ਼ੋਰਾਵਰ’ 6 ਮਈ 2016 ਨੂੰ ਰਿਲੀਜ਼ ਹੋਵੇਗੀ।
ਯੋ-ਯੋ ਹਨੀ ਸਿੰਘ ਦੀ ਲੀਡ ਐਕਟਰ ਦੇ ਤੌਰ ‘ਤੇ ਇਹ ਪਹਿਲੀ ਫ਼ਿਲਮ ਹੈ। ”ਜ਼ੋਰਾਵਰ” ਐਕਸ਼ਨ ਨਾਲ ਭਰਪੂਰ ਫ਼ਿਲਮ ਹੈ, ਜਿਸ ‘ਚ ਹਨੀ ਸਿੰਘ ਐਕਸ਼ਨ ਹੀਰੋ ਦੇ ਰੂਪ ‘ਚ ਨਜ਼ਰ ਆਉਣਗੇ। ਫ਼ਿਲਮ ‘ਚ ਐਕਸ਼ਨ ਸਿਕਵੈਂਸ ਕੁੱਝ ਖਾਸ ਹੈ, ਜੋ ਪੰਜਾਬੀ ਫ਼ਿਲਮਾਂ ‘ਚ ਬਹੁਤ ਘੱਟ ਹੀ ਨਜ਼ਰ ਆਉਂਦਾ ਹੈ।
ਮੁੰਬਈ ‘ਚ ”ਜ਼ੋਰਾਵਰ’ ਫ਼ਿਲਮ ਦੇ ਟਰੇਲਰ ਨੂੰ ਫ਼ਿਲਮ ਇੰਡਸਟਰੀ ਦੇ ਵੱਡੇ-ਵੱਡੇ ਸਿਤਾਰਿਆਂ ਦੇ ਸਾਹਮਣੇ ਲਾਂਚ ਕੀਤਾ ਗਿਆ। ਪਿਛਲੇ ਕਈ ਦਹਾਕੇ ਤੋਂ ਹਨੀ ਸਿੰਘ ਨੇ ਨੌਜਵਾਨਾਂ ਦਾ ਸ਼ਾਨਦਾਰ ਮਨੋਰੰਜਨਕੀਤਾ ਹੈ ਪਰ ਇਸ ਵਾਰ ਹਨੀ ਸਿੰਘ ਆਪਣੀ ਅਦਾਕਾਰੀ ਦਾ ਜਲਵਾ ਵਿਖਾਉਣ ਲਈ ਤਿਆਰ ਹਨ, ਜਿਸ ਨਾਲ ਉਨ੍ਹਾਂ ਦੇ ਚਾਹੁਣ ਵਾਲੇ ਅਜੇ ਤੱਕ ਇਸ ਤੋਂ ਵਾਕਿਫ ਨਹੀਂ ਸਨ।
ਹਨੀ ਸਿੰਘ ਨੇ ਇਸ ਮੌਕੇ ਗੱਲਬਾਤ ਕਰਦਿਆਂ ਕਿਹਾ ਕਿ, ‘ਐਕਸ਼ਨ ਫ਼ਿਲਮਾਂ ‘ਚ ਪਹਿਲੀ ਵਾਰ ਕੰਮ ਕਰਕੇ ਮੈਨੂੰ ਬਹੁਤ ਮਜ਼ਾ ਆਇਆ। ਮੈਂ ਪੀ.ਟੀ.ਸੀ. ਨੈੱਟਵਰਕ ਦਾ ਬਹੁਤ ਧੰਨਵਾਦੀ ਹਾਂ, ਜਿਨ੍ਹਾਂ ਦੀ ਵਜ੍ਹਾ ਨਾਲ ਇਹ ਪ੍ਰੋਜੈਕਟ ਸੰਭਵ ਹੋ ਸਕਿਆ ਹੈ।’
ਫ਼ਿਲਮ ਦੇ ਡਾਇਰੈਕਟਰ ਵਿਨੀਲ ਮਾਰਕਨ ਨੇ ਕਿਹਾ ਕਿ, ”ਜ਼ੋਰਾਵਰ ਫ਼ਿਲਮ ‘ਚ ਘਟਨਾਕ੍ਰਮ ਬਹੁਤ ਤੇਜ਼ੀ ਨਾਲ ਘੁੰਮਦਾ ਹੈ। ਐਕਸ਼ਨ ਸਿਕਵੈਂਸ ਬਹੁਤ ਹੀ ਮਜ਼ੇਦਾਰ ਹੈ। ਫ਼ਿਲਮ ਦੀ ਸ਼ੂਟਿੰਗ ਸ਼ਾਨਦਾਰ ਲੋਕੋਸ਼ਨਾਂ ‘ਤੇ ਹੋਈ ਹੈ।
The post ਪੀ.ਟੀ.ਸੀ. ਮੋਸ਼ਨ ਪਿਕਚਰਸ ਤੇ ਯੋ-ਯੋ ਹਨੀ ਸਿੰਘ ਨੇ ਲਾਂਚ ਕੀਤਾ ”ਜ਼ੋਰਾਵਰ” ਫਿਲਮ ਦਾ ਟਰੇਲਰ appeared first on Quomantry Amritsar Times.