????????????????????????????????????
ਜੌਨ ਮਾਰਸ਼ਲ ਲਾਅ ਸਕੂਲ ਸ਼ਿਕਾਗੋ ਦੀ ਮਨਪ੍ਰੀਤ ਕੌਰ ਤੇਜੀ ਨੂੰ
‘ਭਾਰਤੀ ਅਮਰੀਕਨ ਕਮਿਊਨਿਟੀ ਸਰਵਿਸ ਐਵਾਰਡ’ ਦਿੱਤਾ
ਸ਼ਿਕਾਗੋ/ਬਿਊਰੋ ਨਿਊਜ਼:
ਸ਼ਿਕਾਗੋ ਦੀ ਏਸ਼ੀਅਨ ਅਮਰੀਕਨ ਕੁਲੀਸ਼ਨ ਨੇ 5 ਫਰਵਰੀ ਨੂੰ ਇਥੇ ਹਯਾਤ ਰੀਜੈਂਸੀ ਹੋਟਲ ਵਿਚ ਨਵੇਂ ਸੀਮਤ (ਚੰਦਰ ਸਾਲ) ਸਬੰਧੀ ਆਪਣਾ 33ਵਾਂ ਸਾਲਾਨਾ ਸਮਾਗਮ ਕੀਤਾ ਜਿਸ ਦਾ ਕੇਂਦਰੀ ਵਿਸ਼ਾ, ”ਦ੍ਰਿਸ਼ਟੀ, ਚੇਤਨਾ ਅਤੇ ਸ਼ਕਤੀ” ਰਖਿਆ ਗਿਆ। ਇਸ ਵਾਰ ਦਾ ਰਾਤਰੀ ਭੋਜ ਚੀਨੀ ਅਮਰੀਕਨ ਕਮਿਊਨਿਟੀ ਵੱਲੋਂ ਦਿੱਤਾ ਗਿਆ ਜਿਸ ਦੀ ਪ੍ਰਧਾਨਗੀ ਸੀ ਐਸ ਐਮ ਆਈ ਦੇ ਪ੍ਰਧਾਨ ਅਤੇ ਸੀ ਈ ਓ ਡਾ. ਕਰੇਨ ਐਂਗ ਨੇ ਕੀਤੀ।
ਇਸ ਮੌਕੇ ਭਾਈਚਾਰੇ ਦੇ ਆਗੂਆਂ ਅਤੇ ਅਗਾਂਹਵਧੂ ਨੌਜਵਾਨਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ। ਸਥਾਨਕ ਕਲਾਕਾਰਾਂ ਵੱਲੋਂ ਆਪਣੇ ਰੰਗਾ ਰੰਗ ਪ੍ਰੋਗਰਾਮ ਰਾਹੀਂ ਆਏ ਹੋਏ ਮਹਿਮਾਨਾਂ ਦਾ ਮਨੋਰੰਜਨ ਕੀਤਾ। ਇਸ ਸਮਾਗਮ ਵਿਚ 1000 ਤੋਂ ਵੱਧ ਲੋਕਾਂ ਨੇ ਹਿੱਸਾ ਲਿਆ ਜਿਨ੍ਹਾਂ ‘ਚ ਕਮਿਊਨਿਟੀ ਆਗੂਆਂ ਤੋਂ ਇਲਾਵਾ ਸ਼ਹਿਰ ਦੇ ਪਤਵੰਤੇ, ਚੁਣੇ ਹੋਏ ਨੁਮਾਇੰਦੇ ਅਤੇ ਕਾਰਪੋਰੇਟ ਸਪਾਂਸਰ ਸ਼ਾਮਲ ਸਨ।
ਨਵਾਂ ਚੰਦਰ ਸਾਲ ਸਮਾਗਮ ਮਿਡਵੈਸਟ ਵਿਚ ਆਪਣੀ ਕਿਸਮ ਦਾ ਸਭ ਤੋਂ ਵੱਡਾ ਸਮਾਗਮ ਹੁੰਦਾ ਹੈ। ਇਸ ਸਮਾਗਮ ਵਿਚ ਇਲੀਨੋਟਿਸ ਦੇ ਗਵਰਨਰ ਬਰੂਸ ਰੌਨਰ, ਲੈਫ. ਗਵਰਨਰ ਐਵਲੀਨ ਸੰਗੁਨੈਟੀ, ਸੈਕਰੇਟਰੀ ਆਫ ਸਟੇਟ ਜੈਸੀ ਵਾਈਟ, ਸਟੇਟ ਟਰੈਜ਼ਰਾਰ ਮਿਸ਼ੇਲ ਫਰੈਰਿਕਸ, ਕੰਪਟਰੋਲਰ ਲੈਸੀ ਮੁੰਗਰ, ਸੈਨੇਟਰ ਡਿਕ ਡਰਬਿਨ, ਕਾਂਗਰਸ ਮੈਂਬਰ ਟੈਮੀ ਡਕਵਰਯ ਤੋਂ ਇਲਾਵਾ ਹੋਰ ਫੈਡਰਲ ਅਤੇ ਸਟੇਟ ਲੀਡਰਾਂ ਨੇ ਸ਼ਿਰਕਤ ਕੀਤੀ।
ਕਾਂਗਰਸ ਦੀ ਚੋਣ ਲਈ ਉਮੀਦਵਾਰ ਰਾਜਾ ਕ੍ਰਿਸ਼ਨਾ ਮੂਰਤੀ ਸਮੇਤ ਪ੍ਰਾਇਮਰੀਜ਼ ਵਾਸਤੇ ਏਸ਼ੀਅਨ ਅਮਰੀਕਨ ਭਾਈਚਾਰੇ ਦੇ ਇਛੁੱਕ ਉਮੀਦਵਾਰ ਵੀ ਇਸ ਸਮਾਗਮ ਵਿਚ ਸ਼ਾਮਲ ਹੋਏ। ਸ਼ਿਕਾਗੋ ‘ਚ ਭਾਰਤੀ ਕੌਂਸਲਖਾਨੇ ਦੇ ਕੌਂਸਲ ਜਨਰਲ ਡਾ. ਔਸਫ਼ ਸਈਅਦ ਸਮੇਤ ਕਈ ਦੇਸ਼ਾਂ ਦੇ ਕੌਂਸਲ ਜਨਰਲਾਂ ਨੇ ਵੀ ਹਿੱਸਾ ਲਿਆ. ਭਾਰਤੀ ਅਮਰੀਕਨ ਭਾਈਚਾਰੇ ਦੇ 50 ਤੋਂ ਵੱਧ ਮੈਂਬਰਾਂ ਨੇ ਸ਼ਿਰਕਤ ਕੀਤੀ।
ਏ ਬੀ ਸੀ-7 ਸ਼ਿਕਾਗੋ ਦੀ ਟੀ ਵੀ ਏਂਕਰ ਲਿੰਡਾ ਯੂ ਅਤੇ ਈ ਐਸ ਪੀ ਐਨ ਦੇ ਕੈਰੀ ਚੋਅ ਨੇ ਸਮਾਗਮ ਦਾ ਸੰਚਾਲਨ ਕੀਤਾ। 2014 ਦੀ ਮਿਸ ਇਲੀਨੋਟਿਸ ਰਹੀ ਮਰੀਸਾ ਬੁਛੀ ਨੇ ਕੌਮੀ ਤਰਾਨਾ ਗਾਇਆ।
ਸ਼ਿਕਾਗੋ ਚਾਈਨਾ ਟਾਊਨ ਮਿਸ ਅੰਬੈਸਡਰ ਕੈਲੀ ਯੀ ਉਚੀਮਾ ਨੇ ਵੀ ਗੀਤ ਪੇਸ਼ ਕੀਤਾ।
ਏ ਏ ਸੀ ਸੀ ਦਾ ਇਸ ਸਾਲ ਦਾ ਐਵਾਰਡ ਪੈਨ ਏਸੀਅਨ ਅਮਰੀਕਨ ਪਿੰਗ ਟਾਮ ਮੈਮੋਰੀਅਲ ਐਵਾਰਡ, ਏਸ਼ੀਅਨ ਅਮਰੀਕਨ ਐਡਵਾਂਸਿੰਗ ਜਸਟਿਸ ਸ਼ਿਕਾਗੋ ਦੀ ਲੰਬਾ ਸਮਾਂ ਐਗਜ਼ੈਕਟਿਵ ਡਾਇਰੈਕਟਰ ਰਹੀ ਤੁਏਤ ਲੀ ਨੂੰ ਦਿੱਤਾ ਗਿਆ।
ਗਰੈਂਡ ਏਸ਼ੀਅਨ ਅਮਰੀਕਨ ਸੈਂਡਰਾ ਓਤਾਕਾ ਮੈਮੋਰੀਅਲ ਐਵਾਰਡ, ਇਲੀਨੋਅੁਇ ਦੇ ਸੀਨੀਅਰ ਸੈਨੇਟਰ ਡਿਕ ਡਰਬਿਨ ਨੂੰ ਦਿੱਤਾ ਗਿਆ।
ਕੁਲੀਸ਼ਨ ਨੇ 2016 ਐਗਜੈਂਪਲਰੀ ਕਮਿਊਨਿਟ ਸਰਵਿਸ ਐਵਾਰਡ ਵੀ ਦਿੱਤੇ ਗਏ ਅਤੇ ਨੌਜਵਾਨ ਦਵੇ ਵਸੀਦੇਵਮ ਨੂੰ ਭਾਰਤੀ ਅਮਰੀਕਨ ਕਮਿਊਨਿਟੀ ਸਰਵਿਸ ਐਵਾਰਡ ਦਿੱਤਾ ਗਿਆ। ਜੌਨ ਮਾਰਸ਼ਲ ਲਾਅ ਸਕੂਲ ਸ਼ਿਕਾਗੋ ਦੀ ਮਨਪ੍ਰੀਤ ਕੌਰ ਤੇਜੀ ਨੂੰ ਵੀ ਭਾਰਤੀ ਅਮਰੀਕਨ ਕਮਿਊਨਿਟੀ ਸਰਵਿਸ ਐਵਾਰਡ ਦਿੱਤਾ ਗਿਆ।
ਏ ਏ ਸੀ ਸੀ ਦੀ ਸਥਾਪਨਾ ਸੰਨ 1983 ਵਿਚ ਹੋਈ ਸੀ ਸਿਜ ਵਿਚ 16 ਏਸ਼ੀਅਨ ਦੇਸ਼ਾਂ ਦੇ ਨੁਮਾਇੰਦੇ ਸ਼ਾਮਲ ਹਨ। ਇਨ੍ਹਾਂ ਵਿਚ ਬੰਗਲਾਦੇਸ਼, ਬਰਮਾ, ਕੰਬੋਡੀਆ, ਚੀਨ, ਫਿਲਿਪੀਨਜ਼, ਭਾਰਤ, ਇੰਡੋਨੇਸ਼ੀਆ, ਜਾਪਾਨ, ਕੋਰੀਆ, ਮਲੇਸ਼ੀਆ, ਨੇਪਾਲ, ਪਾਕਿਸਤਾਨ, ਸ੍ਰੀ ਲੰਕਾ, ਥਾਈਲੈਂਡ ਅਤੇ ਵੀਅਤਨਾਮ ਦੇਸ਼ਾਂ ਨਾਲ ਸਬੰਧਤ ਲੋਕ ਸ਼ਾਮਲ ਹਨ।
ਇਸ ਮੌਕੇ ਏ ਏ ਸੀ ਸੀ ਦੇ 15ਵੇਂ ਸਾਲਾਨਾ ਮੇਲੇ ਦਾ ਐਲਾਨ ਵੀ ਕੀਤਾ ਗਿਆ ਜੋ 16 ਤੋਂ 20 ਮਈ ਤੱਕ ਡਾਲੇ ਸੈਂਟਰ ਪਲਾਜ਼ਾ ਸ਼ਿਕਾਗੋ ਵਿਚ ਹੋਵੇਗਾ। ਇਸ ਦੇ ਮੇਜ਼ਬਾਨ ਚੀਨੀ ਅਮਰੀਕਨ ਭਾਈਚਾਰਾ ਅਤੇ ਪਾਕਿਸਤਾਨੀ ਅਮਰੀਕਨ ਭਾਈਚਾਰਾ ਕਰਨਗੇ।
The post ਏਸ਼ੀਅਨ ਅਮਰੀਕਨ ਕੁਲੀਸ਼ਨ ਸ਼ਿਕਾਗੋ ਨੇ 33ਵਾਂ ਚੰਦਰ ਸਾਲ ਸਮਾਰੋਹ ਮਨਾਇਆ appeared first on Quomantry Amritsar Times.