ਸੈਕਰਾਮੈਂਟੋ/ਬਿਊਰੋ ਨਿਊਜ਼:
ਪੰਜਾਬੀ ਸਾਹਿਤ ਸਭਾ ਕੈਲੀਫੋਰਨੀਆ ਵੱਲੋਂ ਪ੍ਰਸਿੱਧ ਨਾਵਲਕਾਰ ਸ਼ਿਵਚਰਨ ਜੱਗੀ ਕੁੱਸਾ ਨਾਲ ਸਾਹਿਤਕ ਮਿਲਣੀ ਕੀਤੀ ਗਈ ਅਤੇ ਕੁੱਸਾ ਜੀ ਵੱਲੋਂ ਸਾਹਿਤ ਲਈ ਪਾਏ ਯੋਗਦਾਨ ਬਦਲੇ ਸਨਮਾਨ ਕੀਤਾ ਗਿਆ। ਤਕਰੀਬਨ ਤੀਹ ਕੁ ਨਾਵਲ ਅਤੇ ਪੰਜ ਕੁ ਕਹਾਣੀਆਂ ਦੀਆਂ ਕਿਤਾਬਾਂ ਲਿਖ ਕੇ ਜੱਗੀ ਕੁੱਸਾ ਦਾ ਨਾਂ ਸਾਹਿਤਕਾਰਾਂ ਦੀ ਮੁੱਢਲੀ ਕਤਾਰ ਵਿਚ ਲਿਆ ਜਾਂਦਾ ਹੈ। ਇਸਤੋਂ ਇਲਾਵਾ ਸ਼ਿਵਚਰਨ ਜੱਗੀ ਕੁੱਸਾ ਆਪਣੇ ਸਾਹਿਤਕ ਸਫਰ ਦੇ ਨਾਲ ਨਾਲ ਸਮਾਜਿਕ ਕਾਰਜ ਲਈ ਵੀ ਸਰਗਰਮ ਹਨ। ਆਪਣੀ ਸੰਸਥਾ ‘SAVE LIFE, FIGHT CANCER’ ਰਾਹੀਂ ਉਹ ਪੰਜਾਬ ਵਿਚ ਕੈਂਸਰ ਪੀੜ੍ਹਤਾਂ ਦੀ ਬਹੁਤ ਮਦਦ ਕਰਦੇ ਹਨ। ਜੱਗੀ ਕੁੱਸਾ ਦੀ ਸੰਸਥਾ ਲਈ ਪਸਸਕ ਵੱਲੋਂ 1000 ਡਾਲਰ ਦੇ ਕੇ ਸਹਾਇਤਾ ਕੀਤੀ ਗਈ।
ਪਸਸਕ ਵੱਲੋਂ 12 ਜਨਵਰੀ ਮੰਗਲਵਾਰ ਨੂੰ ਮਾਊਂਟੇਨ ਮਾਈਕ ਪੀਜਾ ਸੈਕਰਾਮੈਂਟੋ ਵਿਖੇ ਜੱਗੀ ਕੁੱਸਾ ਦੇ ਸਨਮਾਨ ਲਈ ਬੁਲਾਈ ਗਈ ਸਭਾ ਦੀ ਸਾਹਿਤਕ ਮਿਲਣੀ ‘ਚ ਪ੍ਰਧਾਨ ਦਿਲ ਨਿੱਝਰ ਨੇ ਜੱਗੀ ਕੁੱਸਾ ਦਾ ਸਵਾਗਤ ਕਰਦਿਆਂ ਉਨ੍ਹਾਂ ਦੀ ਕਲਮ ਤੋਂ ਲਿਖੇ ਨਾਵਲਾਂ ਅਤੇ ਕਹਾਣੀਆਂ ਵਾਰੇ ਸੰਖੇਪ ਵਿਚ ਜਾਣਕਾਰੀ ਦਿੱਤੀ। ਸ਼ਿਵਚਰਨ ਜੱਗੀ ਕੁੱਸਾ ਨੇ ਆਪਣੇ ਸਾਹਿਤਕ ਸਫਰ ਬਾਰੇ ਖੁੱਲ ਕੇ ਵਿਚਾਰ ਚਰਚਾ ਕੀਤੀ।
ਤਤਿੰਤਰ ਕੌਰ ਤੇ ਰਾਠੇਸ਼ਵਰ ਸਿੰਘ ਸੂਰਾਪੁਰੀ ਨੇ ਕਹਾਣੀਆਂ ਪਭ੍ਹੀਆਂ। ਕਵੀ ਦਰਬਾਰ ਵਿਚ ਗੁਰਿੰਦਰ ਸੂਰਾਪੁਰੀ, ਗੋਗੀ ਸੰਧੂ, ਮਹਿੰਦਰ ਸਿੰਘ ਘੱਗ, ਦਿਲ ਨਿੱਝਰ, ਜੋਤੀ ਸਿੰਘ, ਰਮੇਸ਼ ਬੰਗੜ, ਮਲਿਕ ਇਮਤਿਆਜ, ਰਚਨਾਂ ਮਲਹੋਤਰਾ, ਜੋਗਿੰਦਰ ਸੋਖੀ, ਦਲਜੀਤ ਸੰਧੂ, ਕਮਲ ਬੰਗਾ, ਹਰਬੰਸ ਸਿੰਘ ਢਿੱਲੋਂ ਜਗਿਆਸੂ ਅਤੇ ਇੰਦਰਜੀਤ ਗਰੇਵਾਲ ਥਰੀਕੇ, ਨੇ ਆਪੋ ਆਪਣੀਆਂ ਰਚਨਾਵਾਂ ਨਾਲ ਸਾਂਝ ਪਾਈ। ਦੂਜੇ ਦਿਨ ਸ਼ਾਮ ਵੇਲੇ ਪਸਸਕ ਦੇ ਪ੍ਰਧਾਨ ਦਿਲ ਨਿੱਝਰ ਦੇ ਗ੍ਰਹਿ ਵਿਖੇ ਵੀ ਜੱਗੀ ਕੁੱਸਾ ਨਾਲ ਸੰਖੇਪ ਮਿਲਣੀ ਕੀਤੀ ਗਈ.
ਪੰਜਾਬੀ ਸਾਹਿਤ ਸਭਾ ਦੀ ਅਗਲੀ ਮੀਟਿੰਗ ਅਤੇ ਕਵੀ ਦਰਬਾਰ 31 ਜਨਵਰੀ ਐਤਵਾਰ ਨੂੰ ਮਾਊਂਟੇਨ ਮਾਈਕ ਪੀਜਾ, ਸੈਕਰਾਮੈਂਟੋ ਨੂੰ ਹੋ ਰਹੀ ਹੈ।
The post ਨਾਵਲਕਾਰ ਸ਼ਿਵਚਰਨ ਜੱਗੀ ਕੁੱਸਾ ਨਾਲ ਸਾਹਿਤਕ ਮਿਲਣੀ appeared first on Quomantry Amritsar Times.