ਰੰਗਲਾ ਪੰਜਾਬ ਦੇ ਕਲਾਕਾਰਾਂ ਨੂੰ ਸਨਮਾਨਿਤ ਕੀਤਾ
ਸ਼ਿਕਾਗੋ/ਮੱਖਣ ਸਿੰਘ ਕਲੇਰ:
ਪੰਜਾਬੀ ਕਲਚਰਲ ਸੋਸਾਇਟੀ (ਪੀ ਸੀ ਐਸ) ਸ਼ਿਕਾਗੋ ਵੱਲੋਂ ਵਾਈਸਰਾਏ ਆਫ਼ ਇੰਡੀਆ ਬੈਂਕੁਏਟ, ਲੋਂਬਾਰਡ ਵਿਖੇ 16ਵਾਂ ਸਾਲਾਨਾ ਪੰਜਾਬੀ ਯੂਥ ਗਰੈਜੂਏਸ਼ਨ ਅਤੇ ਸਕਾਲਰਸ਼ਿਪ ਪੁਰਸਕਾਰ ਸਮਾਗਮ ਕਰਵਾਇਆ ਗਿਆ ਜਿਸ ਵਿਚ 250 ਤੋਂ ਵੱਧ ਲੋਕਾਂ ਨੇ ਹਿੱਸਾ ਲਿਆ।
ਪ੍ਰੋਮਗਰਾਮ ਦੀ ਸ਼ੁਰੂਆਤ ਔਰਲੈਂਡੋ ਦਾ ਨਾਈਟ ਕਲੱਬ ‘ਚ ਗੋਲੀਬਾਰੀ ‘ਚ ਮਾਰੇ ਗਏ 49 ਅਮਰੀਕਨਾਂ ਦੀ ਯਾਦ ਵਿਚ 2 ਮਿੰਟ ਦਾ ਮੌਨ ਧਾਰ ਕੇ ਹੋਈ। ਪੀ ਸੀ ਐਸ ਦੇ ਪ੍ਰਧਾਨ ਗੁਰਮੀਤ ਸਿੰਘ ਢਿੱਲੋਂ ਨੇ ਸਾਰਿਆਂ ਦਾ ਸੁਆਗਤ ਕੀਤਾ। ਯੂਨੀਵਰਸਿਟੀ ਆਫ਼ ਸ਼ਿਕਾਗੋ ਦੇ ਪੈਥਾਲੋਜੀ ਵਿਭਾਗ ਦੇ ਮੁੱਖੀ ਡਾ. ਵਿਨੇ ਕੁਮਾਰ ਨੇ ਆਪਣੇ ਮੁੱਖ ਭਾਸਨ ਵਿਚ ਗਰੈਜੂਏਸ਼ਂ ਐਵਾਰਡ ਹਾਸਲ ਕਰਨ ਵਾਲੇ ਨੌਜਵਾਨਾਂ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਇਨ੍ਹਾਂ ਚਾਰ ਸਾਲਾਂ ਵਿਚ ਅਧਿਐਨ ਦੇ ਖੇਤਰ ‘ਚ ਉਨ੍ਹਾਂ ਨੇ ਬਹੁਤ ਕੁਝ ਹਾਸਲ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਨੌਜਵਾਨਾਂ ਨੂੰ ਹਮੇਸ਼ਾ ਪੁਰਸਕਾਰ ਉਪਰ ਨਜ਼ਰ ਰੱਖਣੀ ਚਾਹੀਦੀ ਹੈ ਅਤੇ ‘ਅਸੰਭਵ” ਸ਼ਬਦ ਆਪਣੇ ਸ਼ਬਦਕੋਸ਼ ਵਿਚੋਂ ਕੱਢ ਦੇਣਾ ਚਾਹੀਦਾ ਹੈ।
ਇਸ ਮੌਕੇ ਗਰੈਜੂਏਸ਼ਨ ਕਰ ਚੁੱਕੇ ਨੌਜਵਾਨਾਂ ਦੇ ਮਾਣ ਵਿਚ ਕੇਕ ਕੱਟਣ ਦੀ ਰਸਮ ਵੀ ਹੋਈ। ਸਾਰਿਆਂ ਨੂੰ ਭਾਰਤੀ ਭੋਜਨ ਵਰਤਾਇਆ ਗਿਆ। ਵਿਸਾਖੀ ਪ੍ਰੋਗਰਾਮ ਰੰਗਲਾ ਪੰਜਾਬ 2016 ‘ਚ ਹਿਸਾ ਲੈਣ ਵਾਲੇ ਨੌਜਵਾਨਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ।
ਪੀ ਸੀ ਐਸ ਦੇ ਚੇਅਰਮੈਨ ਹਰਕੇਵਲ ਸਿੰਘ ਲਾਲੀ ਨੇ ਕਿਹਾ ਕਿ ਇਸ ਪੁਰਸਕਾਰ ਸਮਾਗਮ ਦਾ ਮਕਸਦ ਪੰਜਾਬੀਆਂ ਨੂੰ ਵਿਦਿਆ ਲਈ ਉਤਸ਼ਾਹਿਤ ਕਰਨਾ ਹੈ। ਇਸ ਸਮਾਗਮ ਵਿਚ ਪੀ ਸੀ ਐਸ ਸਕਾਲਰਸ਼ਿਪ ਕਮੇਟੀ ਦੇ ਮੈਂਬਰਾਂ ਗਗਨਦੀਪ ਸਿੰਘ ਮੁਲਤਾਨੀ, ਗੁਰਮੀਤ ਸਿੰਘ ਢਿੱਲੋਂ, ਪਰਦੀਪ ਸਿੰਘ ਦਿਊਲ, ਕੁਲਬੀਰ ਸਿੰਘ ਬਾਗੜੀ ਅਤੇ ਸੁਰਿੰਦਰ ਸਿੰਘ ਸੰਘਾ ਦਾ ਪੂਰਾ ਸਹਿਯੋਗ ਰਿਹਾ।
The post ਪੀਸੀਐਸ ਸ਼ਿਕਾਗੋ ਵੱਲੋਂ ਪੰਜਾਬੀ ਯੂਥ ਗਰੈਜੂਏਸ਼ਨ ਪੁਰਸਕਾਰ ਸਮਾਗਮ appeared first on Quomantry Amritsar Times.